POP 5

Lajmet më të lexuara të 5 minutave të fundit

Sociale

Mediat britanike: 2019-a viti i Shqipërisë për turizmin

Destinacionet për vitin tjetër, media britanike ‘Harper Baazar’ ka sjellë mendimet e një grupi ekspertësh për udhëtimet. Shqipëria është renditur në vendin e tetë, ndër 10 top destinacionet e listuara nga ekspertët

Mediat britanike: 2019-a viti i Shqipërisë për turizmin

Ksamili

Shqipëria ka qenë në vëmendjen e mediave ndërkombëtare si një destinacion atraktiv turistik për verën që do të vijë, duke e cilësuar 2019-n si vitin e saj në turizëm. Së fundmi media britanike Harper Baazar e ka listuar në top 10 vendet më të bukura për t’u vizituar në verën që do të vijë-shkruan Monitor.

Zyrtarisht kemi hyrë në stinën e dimrit. Ditët janë të shkurtra, temperaturat janë të ulë dhe vera duket ende shumë larg. Por të gjithë kemi në mendje vetëm një gjë: Ku do të shkojmë për pushime?

Gjatë 12 muajve të fundit, fotot e pushimeve nga vende si Italia e Jugut dhe Bali kanë pushtuar rrjetet tona sociale, ndërsa vitin e kaluar Vietnam, Mykonos dhe Lisbonë patën një bum vizitash.

Për të siguruar lexuesit që të jenë një hap përpara me destinacionet që zgjedhin, media britanike Harper Baazar ka sjellë mendimet e një grupi ekspertësh për udhëtimet.

Në 10 top destinacionet e listuara nga ekspertët, Shqipëria është renditur në të tetin.

Sipas ‘Harper Baazar’, Shqipëria  ka qenë prej kohësh në hijet e vendeve fqinje turistike për tërheqjen e turistëve si Greqia dhe Mali i Zi. Megjithatë disa ekspertë të udhëtimit parashikojnë që viti 2019 të jetë viti i vendit në turizëm.

Referuar Booking.com. Ksamili, fshat në jug të vendit, është një destinacion për të mos u humbur. Përdoruesit e kësaj platforme e kanë vlerësuar vendpushimin për prodhimet e detit dhe njerëzit miqësorë. Vendi gjithashtu u listua edhe në listën më të mirë të udhëtimit të Lonely Planet për vlerën e vitit 2019 ku përshkruhej: “Shqipëria mbetet një destinacion ku mund të ecni në mes të peizazhit të bukur malor, të qëndroni në fshatra të vegjël dhe të përjetshëm dhe të eksploroni kryeqytetin e Tiranës për shumë më lirë se sa shumë në një vend tjetër në Europë “.

Pjesë e listës së medias britanike ishin edhe këto vende

1.Jordania

2.Sri Lanka

3.Kanadaja

4.Ishujt e  Paqësorit

5.Japonia

6.Rwanda

7.Arizona, SHBA

8.Shqipëria

9.Zelanda e Re

10.Bullgaria

 

 

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Tepelena: 07/12/2018 13:54

    Ne foto duket i bukur ksamili

    Përgjigju
  • Sondazhi i ditës:

    A ka politika frikë nga SPAK-u?

Lajme të tjera



×

Lajmi i fundit

Zgjedhjet presidenciale në Maqedoninë e Veriut, numërohen mbi 90 përqind të votave! Kandidatja e VMRO-së kryeson bindshëm, ku renditën shqiptarët

Zgjedhjet presidenciale në Maqedoninë e Veriut, numërohen mbi 90 përqind të votave! Kandidatja e VMRO-së kryeson bindshëm, ku renditën shqiptarët

25 Prill, 01:01