Mediat greke shkruajnë se nuk do të ketë prishje të shtëpive 100-vjeçare në Himarë në kuadër të projektit “Himara e Re”, ose siç është quajtur nga kryetari i Bashkisë Jorgo Goro "Rindërtimi Urban në Bashkinë e Himarës".
Kathimerini shkruan se pas kundërshtive të forta të banorëve, angazhimit të Ambasadës greke dhe mbështjetjes së Greqisë, plani për Rikualifikimin Urban të Himarës është anuluar me vendim gjykate.
Gazeta shton se pas disa orëve diskutime është përgatitur një plan i ri i cili nuk prekë ndërtesat e vjetra në qendër të Himarës.
Në favor të draftit ka qenë shumica dërrmuese e banorëve, duke detyruar kryetarin e Bashkisë të firmosë përfundimisht mosshembjen e shtëpive të vjetra.
Ditë më parë ishte kryetari i Shoqatës për Mbrojtjen e Pronave në Himarë, Nikollaq Neranxi, që denoncoi se ky plan po grabiste pronat e himariotëve, por ndërkohë, përveç prononcimit të mediave greke, ende nuk ka një reagim zyrtar të autoriteteve shqiptare për çështjen e ndërtimeve në Himarë.
fake news
Përgjigju