Presidenti i SHBA, Donald Trump, ka mbajtur një fjalim të gjatë pas nënshkrimit të marrëveshjes me liderin e Koresë së Veirut, për denuklearizimin e Gadishullit Korean.
Para mijëra gazetarëve, Presidenti Trump përcolli mesazhe të forta dhe me peshë për ‘dy botë të ndara deri më tani’. Trump tha se Koreja e Veriut po shkatërron botën me testimin e raketave, duke shtuar se me nënshkrimin e marrëveshjes SHBA dhe Koreja ranë dakord për denuklearizim.
Koreja e Veriut po shkatërron një vend të madh me testimin e raketave. Ne ramë dakord pas nënshkrimit të marrëveshjes. Angazhimi ynë është i palëkundur për të përfunduar denuklearizimin e Gadishullit Korean dhe Kim është dakord për këtë.
Donald Trump, President i SHBA
Sa i takon luftës së vazhdueshme mes dy koreve, Donald Trump theksoi se kjo luftë e përgjakshme tashmë ka marrë fund, teksa shtoi se e kaluara nuk duhet të përcaktojë të ardhmen.
Në fund, pas 70 vitesh, do të marrë fund lufta koreane. Pas një konflikti të jashtëzakonshëm, të përgjakshëm, që shkatërroi Gadishullin Korean për 70 vjet, do të përfundojë së shpejti lufta. E kaluara nuk duhet të përcaktojë të ardhmen, konflikti i djeshëm nuk duhet të jetë lufta e së nesërmes, kundërshtarët mund të bëhen miq.
Donald Trump, President i SHBA
Trump deklaroi se SHBA do të ndalojë ‘lojërat e luftës’ dhe provokimet, duke vënë theksin te ushtrimet e përbashkëta ushtarake. Ai theksoi se shpreson të tërheqë përfundimisht forcat amerikane nga Koreja e Jugut, duke shtuar se kjo nuk do të ndodhë për momentin.
Më tej, Trump foli dhe për studentin amerikan, Otto Warmbier, që u burgos në Korenë e Veriut dhe vdiq pas riatdhesimit në SHBA.
Ishte një gjë e tmerrshme, ishte brutale, shumë njerëz u përqendruan në atë që ndodhi, duke përfshirë dhe Korenë e Veriut. Otto nuk vdiq. Ai ishte një person shumë i veçantë dhe do të jetë për një kohë të gjatë në jetën time.
Donald Trump, President i SHBA
Lajme të tjera
-
Nju Jork/ Nis sot procesi gjyqësor ndaj Donald Trump! Akuzohet se i dha një pornostarje 130 mijë dollarë që të heshte
22 Prill, 12:30 -
Gara për Shtëpinë e Bardhë, kandidatët për president me qasje të ndryshme ndaj ekonomisë
21 Prill, 17:19 -
SHBA/ Qëndrimi i kandidatëve për president mbi armëmbajtjen
20 Prill, 18:27 -
I vuri flakën vetes gjatë gjyqit të Trump, vdes burri në Manhattan
20 Prill, 07:43 -
Nju Jork, një person i vë zjarrin vetes para gjykatës ku mbahet gjyqi ndaj zotit Trump
19 Prill, 20:50 -
Gjykata e Lartë shqyrton vlefshmërinë e një prej akuzave të 6 janarit
16 Prill, 18:18 -
Donald Trump në gjyqin e parë penal ndaj një ish Presidenti në SHBA
16 Prill, 08:27 -
Ish-presidenti Trump sugjeron se ndihma për Ukrainën mund të jetë në formë kredie
13 Prill, 08:21 -
Anketa: Amerikanët mendojnë se Biden dhe Trump më shumë kanë dëmtuar se sa kanë ndihmuar vendin, por për arsye të ndryshme
12 Prill, 18:03 -
Ish kryefinancieri i Organizatës Trump dënohet me 5 muaj burg për dëshmi të rreme
10 Prill, 20:24 -
Lufta në Ukrainë/ Zelensky: Ideja e Trump për heqje dorë nga territoret tona, primitive
10 Prill, 15:40 -
Trump poston reklamën e çuditshme nga eklipsi i plotë diellor për fushatën e tij
9 Prill, 12:41
