Messi dhe Ronaldo bashkë për “Superclasico-n”, ja cila është ideja e Fiorentino Perez 

Lionel Messi dhe Cristiano Ronaldo, me shumë mundësi, do ta ndjekin së bashku ndeshjen e dytë finale të Kupës Libertadore që do të luhet të dielën në “Santiago Bernabeu”. 

Ideja është e presidentit të Real Madrid, Fiorentino Perez, i cili e ka menduar këtë veprim në nder të dy futbollistëve që kanë dominuar futbollin në dekadën e fundit. Lajmi është dhënë nga gazeta spanjolle “AS”, e cila saktëson se për këtë plan të Perez është dakord Fedarata dhe Konfederata e Amerikës së Jugut. Nëqoftëse ndodh kështu, do të ishte hera e parë që Cristiano Ronaldo shkel në “Bernabeu” që pas transferimit te Juventusi.

Qyteti i Madridit do të mbajë këtë sezon finalen e “Champions League” dhe finalen e dytë të Kupës Libertadore. Kjo për shkak se sfida mes River Plate dhe Boca Juniors, e programuar për t’u luajtur në “Municipal’,u shty si pasojë e dhunës nga tifozët.

TAG:
• lionel messi
• Santiago Bernabeu
• christiano ronaldo
• superclassico
• Fiorentino Perez