Miell nga Serbia? Zusi: Jashtë standardeve, shkakton probleme në organizëm

A po konsumojmë bukë të prodhuar nga miell jashtë standardeve? Ky është shqetësimi i konsumatorëve në vend, ndërsa edhe pse kjo çështje rikthehet herëpashere, sërish institucionet nuk kanë marrë masat e duhur për bllokimin e importit të miellit me nivel proteinik nën 12.5%.

I ftuar në studion e Report Tv, ish-zv/ministri i Bujqësisë, Alban Zusi tha se norma e vendosur disa vite më parë për nivelin e proteinave në miell ka qenë 12.5%, ndërsa më pas ka pasur një tjetër vendimmarrje që e çoi në 9%.

Sipas tij, mielli jashtë standardeve shkakton probleme shëndetësore te konsumatorët. Zusi tha gjithashtu se në Shqipëri hyn tre herë më shumë miell me nivel proteine 9% për prodhimin e biskotave, sesa për prodhimin e bukës. 

Konsumimi i një mielli me normë proteine nën 12% shkakton probleme në shëndet, kemi të bëjmë me një organizëm të sëmurë. Shkakton probleme të funksionimit, probleme fiziologjike, probleme me zhvillimin e trurit te fëmijët. Mungesa e proteinës shkakton këto probleme. Janë dhe vetë prodhuesit e bukës që shpreshin shqetësimin se për shkak të nivelit të ulët proteinik të miellit përdoren shtesa, dhe në këtë moment këtu fillon një problem tjetër, sepse këto mund të jenë në nivelin e duhur, por mund të rezultojnë edhe problematike.

Ne nuk arrijmë dot të kontrollojmë miellin, e jo më shtesat. Përdorimi i aditivëve është mjaft i vështirë për t'u kontrolluar. Është më e lehtë të kontrollosh një kamion, sesa qindra furra buke për përdorimin e shtesave.

Niveli i proteinave te miellit duhet të jetë 12.5%. Në Shqipëri hyn miell me nivel 9% i cili është i destinuar për prodhimin e biskotave, dhe kjo është sasi e konsiderueshme mielli që vjen nga jashtë, tre herë më shumë miell për biskota sesa për bukë. Kjo ishte anormale, s'kishte asnjë lloj reagimi deri në janar të këtij viti. 

Niveli i miellit me përmbajtje nën 12.5% është përgjysmuar me të njëjtën periudhë të vitit të kaluar. Hyrja e miellit nga Serbia dhe Kosova është dy herë më e ulët. Jo vetëm për miellin, por edhe për produke te tjera kam parë lëvizje brenda Ministrisë së Bujqësisë, me synim për t'iu afruar standardeve të BE-së. Ne jemi larg, fakti është që deri tani nuk ka pasur asnjë lloj axhende për t'u afruar me BE. 

Alban Zusi, drejtor Ekzekutiv i AFI

LEXO EDHE:
Shkëmbimi tregtar me Kosovën, Çoçoli: Rritje prej 28%, potencial për ta dyfishuar! Zusi: Duhet të kemi më shumë shkëmbim të produkteve bujqësore

TAG:
• alban zusi
• mielli

Sondazhi i ditës:

A ka politika frikë nga SPAK-u?

• Po

  68.5%

• Jo

  26.7%

• Nuk e di

  4.8%

Vota total: 2215

• Sondazhi i ditës:

  A ka politika frikë nga SPAK-u?

  Po Jo Nuk e di