“Millosheviçi, lider i madh”, BE reagon për deklaratat e Vuçiç: S'ka vend për lavdërime, gjykatat kanë folur qartë

Një ditë pasi presidenti serb, Aleksandër Vuçiç, deklaroi në përmbylljen e vizitës së tij në Kosovë, se Sllobodan Millosheviç ishte një udhëheqës i madh, ka ardhur reagimi nga Bashkimi Evropian.

Maja Koçijançiç, zëdhënëse e BE për çështjet e Ballkanit Perëndimor, ka thënë se nuk ka hapësirë për lavdërim, pasi sipas saj, vendimet e gjykatave ndërkombëtare janë shumë të qarta në këtë drejtim.

"Nuk duhet guxuar për të lënë hapësirë për dykuptimësi apo lavdëri.Vendimet e gjykatave vendase dhe ndërkombëtare në këtë drejtim janë shumë të qarta", -është shprehur Koçijançiç.

LEXO EDHE:
 Franca pezullon shitjen e avionëve luftarakë Rafale për Serbinë

Deklarata e Koçijançit është një përgjigje për deklaratën e Presidentit serb, i cili lavdëroi ish-presidentin Sllobodan Millosheviç, i dënuar për krime lufte dhe genocide nga Gjykata e Hagës. Presidenti serb i bëri këto deklarata në Mitrovicën e Veriut. Ai zhvilloi një takim dy-ditor në Kosovë ku takoi komunitetin serb që jeton në Kosovë. Vizita e Vuçiç nuk kaloi pa probleme. Atij iu ndalua kalimi në zonës e Drenicës pas protestave të banorëve të Skënderajt.

TAG:
• aleksander vucic
• maja kocijancic
• sllobodan milloshevic

Sondazhi i ditës:

Partia e Mitsotakis kandidon Fredi Belerin për eurodeputet, si e vlerësoni?

• Pozitive

  12.2%

• Negative

  80.7%

• Nuk e di

  7.1%

Vota total: 590

• Sondazhi i ditës:

  Partia e Mitsotakis kandidon Fredi Belerin për eurodeputet, si e vlerësoni?

  Pozitive Negative Nuk e di