Ministri i Brendshëm, Fatmir Xhafaj njofton konferencë për mediat në 18:30, biseda me Majkon

Ministri i Brendshëm, Fatmir Xhafaj

Ministri i Brendshëm, Fatmir Xhafaj ka njoftuar një konferencë urgjente për mediat në orën 18:30 nga ambientet e Ministrisë së Brendshme. 

Nuk dihet ende se për çfarë do flasë ministri i Brendshëm përpara gazetarëve, por dalja e tij vjen pas akuzave të forta të opozitës për vëllain e tij, për të cilin të hënën publikuan edhe një regjistrim ambiental duke pretenduar se Agron Xhafaj bisedon me një trafikant droge.

Burime pranë Ministrisë thanë për Report Tv se ministri do iu përgjigjet edhe pyetjeve të gazetarëve gjatë këtij komunikimi për mediat. Më herët gjatë kësaj të mërkure, Xhafaj ka marrë pjesë në mbledhjen e grupit parlamentar socialist. Sipas burimeve të Report Tv, Xhafaj u ka shprehur mirënjohjen deputetëve për mbështetjen pas akuzave të PD. 

Ndërsa kryeministri Edi Rama u shpreh përpara deputetëve socialistë se ministri i Brendshëm do qëndrojë në detyrë. Sipas tij, materiali audio i publikuar nga Partia Demokratike për Agron Xhafajn, nuk është asnjë provë kompromentuese për vëllain e tij, ministrin e Brendshëm Fatmir Xhafaj.

l.q./b.ha.
Komento