Ministrja Lindita Nikolla në UAMD, kërkon qasje të re kurrikulare për programet e mësuesisë

Ministrja e Arsimit, Lindita Nikolla, ka kërkuar nga universitetet që të riorganizojnë programe të studimit në mësuesi, të cilat duhet të përshtaten edhe me ndryshimet që kanë pësuar kurrikulat e arsimit parauniversitar.

Në një takim me pedagogët në Universitetin“Aleksandër Moisiu” të Durrësit, Nikolla tha se kërkesat e maturantëve për programet e mësuesisë janë në rritje, ndaj duhet që universitetet ti përgjigjen me cilësi.

Ka maturantë që vijnë nga ekselenca, që kanë vendosur si zgjedhjen e tyre të parë të kenë programin e mësuesisë madje, edhe në lëndët e shkencave ekzakte, ku ndoshta ka pasur një lloj hezitimi nga maturantët. Do të kërkoja nga secili prej jush që jepni mësim në programet e mësuesisë, një vëmendje dhe një qartësi me gjithçka që po ndodh në arsimin parauniversitar, përsa i përket qasjes së re kurrikulare të orientuar nga kompetencat.

Ministrja e Arsimit, Lindita Nikolla

Ministrja Nikolla kërkoi gjithashtu që universitetet të tregojnë vëmendje edhe për programet 2-vjeçare profesionale të studimit, pasi profesionistët e këtij niveli i kërkon me ngulm tregu i punës.

//Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Mendoni se komisionet hetimore për Shëndetësinë e TIMS do kenë rezultat?



×

Lajmi i fundit

Ish ministri dhe ish kryebashkiaku i Sarandës Stefan Çipa në SPAK

Ish ministri dhe ish kryebashkiaku i Sarandës Stefan Çipa në SPAK