Miratohet ligji/ Të djegurit e Vettingut nuk mund të bëhen avokatë, Braho e Xhina kundër

Një ndër projektligjet që miratoi sot Kuvendi ishte edhe ai për avokatinë. Projektligji “Për profesionin e avokatit në Republikën e Shqipërisë” u miratua me 75 vota, sipas propozimit të Ballës, që të përjashtuarit nga sistemi i drejtësisë, gjyqtarë dhe prokurorë nuk mund të bëhen avokatë, ndryshe nga sa propozoi Komisioni i Ligjeve.

Në seancë kryetari i grupit të PS, Balla u shpreh se do i drejtohemi me një shkresë edhe Komisionit të Venecias nëse shkelen të drejtat e njeriut pas vendimit për të përjashtuar të përjashtuarit nga vettingu. Ndërkohë që kundër përjashtimit votuan Spartak Braho dhe Elena Xhina.

Edhe ligji që votuam për avokatinë dhe amendamenti i propozuar nga unë dhe Manja është hap i rëndësishëm drejt garantimit të moralit dhe pastërtisë së atyre. Amendamenti garanton që personat që kanë qenë pjesë e sistemit të drejtësisë dhe largohen nga vettingu për një kohë të caktuar nuk mund të punojnë si avokatë. Do të marrim në kohë edhe një vlerësim nga Komisioni i Venecias.

LEXO EDHE:
Balla takon Presidentin e Emirateve të Bashkuara Arabe, Muhammed Bin Zayed Al Nahyan: Zgjerim i bashkëpunimit në fushat e policisë dhe sigurisë

Taulant Balla

Përsa i përket dështimit të miratimit të ligjit për magjistratët, Balla akuzoi opozitën se nuk pranoi që të ulej në një tryezë dialogu.

Besoj që tashmë jemi të qartë të kuptojmë që me gjithë përpjekjen tonë për dakordësinë lidhur me propozimin që bëri Luan Rama për të pasur një dialog mbi thelbin e cështjes që ka të bëjë me magjistratët. Kemi pasur një komunikim me opozitën sot, por na vjen keq që kjo cështje që nuk ka të bëjë aspak me cëshje të rëndësishme të reformës në drejtësi, opozita nuk erdhi që të jepte dakordësinë e saj.

Megjithatë dua të them që kjo nuk është një problem pa zgjidhje pasi KED dhe KLGJ dhe KLP do të jenë funksionalë dhe do të jetë KLGJ që do të vlerësojë nevojën e pranimeve apo kush do të jetë nga KLP. Nuk gjej arsye për bojkotin e opozitës.

Kemi pasur një komunikim me opozitës, PD dhe LSI dhe përsa i përket votimit të sotëm na u tha se pa u anuluar ligji për teatrin nuk marrim pjesë. Nuk shoh një lidhje mes këtyre të dyjave. Prej shtatorit të 2017 ne jemi qenë gati për dialog me opozitën në vijim edhe pse të cështjeve që ishin trajtuar në marrëveshjen e 17 majit. Në shtator na pret një punë e rëndësishme për reformën zgjedhore dhe i them opozitës që jemi vonë për të përmbyllur brenda afatit që vendosëm sot.

Taulant Balla

TAG:
• taulant balla
• seanca e kuvendit 23 korrik 2018
• ligji per avokatine

Sondazhi i ditës:

A ka politika frikë nga SPAK-u?

• Po

  68.8%

• Jo

  26.5%

• Nuk e di

  4.7%

Vota total: 3078

• Sondazhi i ditës:

  A ka politika frikë nga SPAK-u?

  Po Jo Nuk e di