Misteri i anijes siriane që u arratis nga Porti i Durrësit, ul spirancën 5 milje larg Portit të Rijekës/HARTA

Misteri i anijes siriane që u arratis nga Porti i Durrësit, ul spirancën 5 milje larg Portit të Rijekës/HARTA

Anija siriane “Seascaner” e nisur nga Porti i Durrësit

Anija siriane “Seascaner” vijon të lundrojë në det të hapur. Report Tv ka ndjekur lëvizjen e anijes misterioze, e cila u largua në orët e para të mëngjesit të 7 korrikut nga Porti i Durrësit, pa leje dhe pa njoftim.

Siç shihet edhe në hartën që sjell më poshtë Report Tv, anija ndodhet 5 milje (7 km) larg Portit të Rijekës dhe ka ulur spirancën, duke vijuar misterin mbi drejtimin e saj.


(Vendndodhja më e fundit e anijes "Seascaner")

Report Tv ka mësuar se anija “Seascaner” me flamur Sierra Leone kishte sjellë më 26 qershor 6 mijë tonë kripë në Durrës. Sipas Drejtorit të Përgjithshëm të Drejtorisë Detare, Paulin Ndreu, pas shkarkimit të sasisë 5500 tonë, drejtuesit e anijes kanë hyrë në konflikt me pritësin e mallit, i cili nuk ka pranuar të marrë pjesën e mbetur prej 500 tonë kripë, pasi ka rezultuar se ajo ka qenë përzier me qymyr. Palët nuk kanë rënë dakord për sasinë e mbetur të kripës 500 tonë.

Ndërkohë, për të mos penguar shkarkimin e anijeve të tjera që prisnin, anija "Seascaner" ka dalë në Radën e Portit Durrës, prej nga ku është larguar pa njoftim dhe pa plotësuar asnjë dokument në orën 3:00 të mëngjesit të 7 korrikut. Ky largim pa njoftuar ngre një sërë dyshimesh se çfarë ka pasur tjetër në bord, përveç ngarkesës së deklaruar.

Në të shkuarën, trafikantët e qenieve njerëzore kanë përdorur dhe vijojnë të përdorin mjetet e lundrimit për trafikun e refugjatëve.

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Mendoni se komisionet hetimore për Shëndetësinë e TIMS do kenë rezultat?



×

Lajmi i fundit

GJKKO firmos masë të dytë sigurie për Taulant Tushen

GJKKO firmos masë të dytë sigurie për Taulant Tushen