POP 5

Lajmet më të lexuara të 5 minutave të fundit

Trafik armësh drejt Shqipërisë, kapet kosovari me tre pistoleta në xhup/ Emri+FOTO

Pistoletat e sekuestruara

KUKES-Një shqiptar nga Kosova është arrestuar në Policia Kufitare në Morinë, pasi gjatë kontrollit iu gjetën dhe sekuestruan 3 armë zjarri pistoletë, tip "Glock" si dhe 25 fishekë luftarakë. I arrestuari është Hamdi Mavriqi 44 vjeç, banues në Prishtinë, pasi tentoi që të trafikojë armë zjarri nga Kosova për Shqipëri.

Ai po udhëtonte me mjetin e tij tip “Seat”, pas dyshimeve u përzgjodh nga shërbimet e Policisë Kufitare, për kontroll më të detajuar në vijën e dytë. Gjatë kontrollit fizik, poshtë xhupit iu gjetën dhe sekuestruan armët e zjarrit, përpos tyre iu sekuestrua edhe makina, ndërsa vijon puna për identifikimin e autorëve të tjerë të implikuar.

Materialet në ngarkim të shtetasit Hamdi Mavriqi, i kaluan Prokurorisë së Rrethit Gjyqësor Kukës, për veprën penale "Trafikimi i armëve dhe i municionit", parashikuar nga neni 278/a i Kodit Penal.
Pistoletat e sekuestruara

d.ba.
Komento

Komente

  • Kulla e Viçidolit: 16/04/2018 18:34

    Mavri krejt.

    Përgjigju
  • Emigranti: 15/04/2018 21:25

    Jammire

    Përgjigju