Mosdekretimi/ Shefi i kabinetit të Metës rrëfen prapaskenat: Presidenti i tha Ramës t’a bënte Gent Cakajn ministër Kulture

Arben Cici, shef i kabinetit të Presidentit Ilir Meta, ka treguar një bisedë të presidentit me kryeministrin Edi Rama. Cici, i ftuar në televizionin T7 tha se mosdekretimi i Cakës nuk ka lidhje me faktin se ai ishte nga Kosova, pasi Meta dekretoi Besa Shahinin. Cici ka treguar se Meta i ka propozuar Ramës që t’a bëjë Gent Cakën ministër Kulture, meqënëse është i ditur.

 “Do të ishte një paragjykim edhe për faktin që nga kandidatët e propozuar për ministra nuk ishte vetëm Genti, por edhe Besa (Shahini). Besa u dekretua, Genti jo. Presidenti i Republikës i ka propozuar kryeministrit që, meqë z. Cakaj pretendohet që është kaq i ditur... Ju mund ta vendosni ministër të Kulturës apo çdo lloj ministri tjetër”, ka treguar ai. “Në këto kushte në të cilat jemi, s’e kemi luksin të bëjmë eksperimente”, ka cituar Cici fjalët e presidentit Meta.

Ditën e sotme, presidenti Ilir Meta Meta refuzoi të dekretojë Gent Cakajn si ministër të Jashtëm. Meta nuk ka dekretuar as shkarkimin e Ditmir Bushatit i cili do vijojë të qëndrojë në detyrë deri në zgjidhjen e ngërçit presidencë-qeveri. (LEXO KËTU)

TAG:
• Ilir Meta
• mosdekretimi i Gent Cakajt
• arben cici
• Genti Cakaj