Presidenti amerikan Donald Trump, ka deklaruar se të enjten bashkëshortja e tij Melania Trump ka udhëtuar drejt vijës kufitare me Meksikën, për të vizituar fëmijët e emigrantëve pas reagimeve të ashpra pas praktikave të ndarjes së fëmijëve nga prindërit që ishin futur ilegalisht në SHBA.
Zonja e Parë e SHBA-ve, është bërë shkak i kritikave të shumta për shkak të xhaketës që e kishte veshur, me rastin e kësaj vizite të shumëpërfolur në Teksas e cila kishte një mbishkrim “mua nuk më bën përshtypje, po ty?”
(Postimi i Donald Trump)
Fjala është për një xhaketë që kushton vetëm 39 dollarë, kurse mbishkrimi në shpinë ka shkaktuar reagime të ashpra në rrjetet sociale.
Zëdhënësja e Melania ka deklaruar se nuk përzgjedhja e veshjes së saj nuk ka mesazhe të qëllimshme. Lidhur me këtë xhaketë është deklaruar edhe presidenti Trump, i cili pretendon se mesazhi në xhaketën e gruas së tij ka të bëjë me mediat që po raportojnë lajme të rreme.
“Mbishkrimi ‘mua nuk më bën përshtypje, po ty?’ në xhaketën që e kishte veshur Melania ka të bëjë me disa media që raportojnë lajme të rreme. Ajo e ka kuptuar se si janë të padrejtë dhe për këtë nuk po i bëjnë përshtypje më”, ka shkruar Trump në Twitter.
Melania është fotografuar me këtë xhaketë me rastin e hyrjes në aeroplan dhe veturë. Ajo është parë me këtë xhaketë të veshur derisa në Teksas, dhe atë e kishte edhe kur është kthyer në Ëashington.
Ajo kishte vizituar qendrën e fëmijëve në Makalen, një ditë pasi bashkëshorti i saj nënshkroi dokumentin me të cilin urdhëron autoritetet kompetente të ndalin praktikat e ndarjes së fëmijëve nga prindërit, deri në marrjen e vendimit nga autoritetet e emigracionit amerikan.
Në këtë qendër aktualisht janë 55 fëmijë nga mosha 5 deri në 17 vjeç dhe vijnë nga Hondurasi dhe El Salvadori