Ndahen çmimet për 14 shfaqjet në Festivalin e Teatrove, Reshat Arbana dhe Luiza Xhuvani, aktorët më të mirë
Festivali Mbarëkombëtar i Teatrove përfundoi mbrëmjen e djeshme. Mes shfaqjeve edhe artistëve, që triumfuan ishin “aktori më i mirë” Reshat Arbana tek “Babai”, Altin Basha si regjisori më i mirë tek “Gomari i Babatasit” dhe shfaqja e Shkupit, Vdekja.
Festivali Mbarëkombëtar i Teatrove mbyll siparin. 14 trupa teatrore nga Shqipëria, Maqedonia, Kosova dhe Mali i Zi sollën shqip dhe qartë cilësitë edhe mangësitë e trupave tona teatrore.
“Vdekja” e Dantonit, me regji të Dino Mustafiq, “shfaqja më e mirë” në këtë festival ka në qendër konfliktin mes Dantonit dhe Robespjerit, sjell përplasjen mes dy qëndrimeve të ndryshme, se si duhet të jetë shteti pas përfundimit të revolucionit.
“Gomari i babatasit”, e vlerësuar si “regjia më e mirë” nga Altin Basha nëpërmjet tehut të sarkazmës fishtjane për politikanët, deputetët edhe ministrat e shkruar para 100 vitesh, vjen në kohë nëpërmjet dramatizimit të Stefan Çapalikut për çështjen më aktuale, atë të ndërtimit të Teatrit Kombëtar nga politika.
Faleminderit të gjithëve. Është kënaqësi që të dalësh pak nga Tirana, se Tirana është bërë pak e mërzitshme. U sugjeroj kolegëve që të dalin e të shkojnë në rrethe. Drejtor po të falim gabimet e këtij viti, shpresoj që t’i rregullosh vitin tjetër.
Altin Basha, regjisor
Nga “Babai” me regji të Spiro Dunit, u përzgjodh, si “aktori më i mirë” për interpretimin plot vërtetësi, Reshat Arbana, i cili bëri për vetë publikun, teksa solli botën e çoroditur të një burri të moshuar në gjendje të rënduar shëndetësore.
Faleminderit shumë, është hera e parë që në 50 vite jetë artistike marrë një çmim, të them të drejtë kam bërë një rol që më ka lodhur shumë, në këtë simbol që më jepet, sot do të kujtoj vuajtjet.
Reshat Arbana, aktor
Jo jashtë vëmendjes u la “Medea” me regji të Dimitris Mylonas, tragjedia e lashtë greke që solli një tablo të pasionit me nënshtresat edhe skutat sekrete, shfaqje që rrëmbeu disa çmime. Çmimi për “aktoren me të mirë protagoniste” ishte për Luiza Xhuvanin dhe çmimi “special i karrierës”për Roza Anagnostin.
Çmime të tjera
Çmimi “Aktori i ri më i mirë” u dha për Kristian Koroveshin, ndërsa çmimi për “Aktoren më të mirë” shkoi për Hajat Toçilla tek shfaqja “Ata që ikin”.
Çmimi “Kostumografia më e mirë”, shkoi për Sofi Kara tek “Medea”.
“Aktori joprotagonist më i mirë për” Shkëlzen Veseli tek shfaqja “Kaligula”, si dhe çmimi “Aktorja joprotagoniste më e mirë”, për Gresa Pallaska.
Festivali Mbarëkombëtar i Teatrove u mbyll nga artistët me shpresën, që të kthehet në një festival të përvitshëm.
Sondazhi i ditës:
Si do jenë ndryshimet në Kodin Zgjedhor që do bëjnë PS-Rithemelimi?
-
Thelbësore
15.7%
-
Të vogla
66.8%
-
Nuk e di
17.5%
Vota total: 497
Lajme të tjera
-
"Një grua fisnike dhe e rrallë si në gojëdhëna", Reshat Arbana humbet bashkëshorten, mesazhet plot dhimbje të miqve: Ishte 'zemra' e familjes!
29 Dhjetor 2023, 19:24
-
‘Hir Krishtlindjesh’ mes ikonave të shenjtëve në Muze! Yllka Mujo uron shqiptarët pas mbrëmjes me poezi e tinguj: U bashkuan vargjet e poetëve me të shpirtit
27 Dhjetor 2023, 16:23
-
FOTO/ Nga Manjola Nallbani te Luiza Xhuvani, ‘festa’ në Opera, artistët që morën pjesë në takimin me Veliajn dhe Margaritin
3 Maj 2023, 22:21
-
Vasjan Lami me komedinë 'La Baby-Sitter’, kambanat bien për martesën në zgrip! Trio-ja Xhuvani, Fuga e Xhunga, përmes humorit, mesazhe për dashurinë!
4 Shkurt 2023, 17:34
-
‘4 Stinët’, zëri i Reshat Arbanës, i bashkohet notave të Vivaldit në ‘Opera’! Mbesa e tij, rrëfen ‘kërcimin’ e natyrës me të rinjtë e Shkollës së Baletit
20 Janar 2023, 14:47
-
Drama ‘Mbyllja e Dashurisë’, premierë në Korçë! Marrin pjesë aktorët e njohur Luiza Xhuvani dhe Vasjan Lami, regjisori francez
12 Nëntor 2022, 20:32
-
20 vjet nga ikja, kujtohet Teodor Keko në Katedralen Ortodokse! Xhuvani, Çaushi e Gjebrea interpretuan vargjet e tij
15 Shtator 2022, 21:18
-
‘Mbjellja e pemëve’, në Marketin e Filmit të Kanës në 25 maj, Aliçka: Metafora mbi të cilën ndërtova skenarin! ‘Çaku’ i fundit i Radosë, sikur luajti veten
3 Maj 2022, 16:58
-
'Tre dimra' ngjisin në skenën e Teatrit Metropol Yllka Mujon, Luiza Xhuvanin, Marjeta Ljarjen dhe Viktor Zhustin
1 Prill 2022, 18:36
-
Rep-pop/ Kur arti dhe bukuria bëhen bashkë! Rajmonda Bulku, Elvira Diamanti dhe Matilda Makoçi, aktoret më të hijshme të kinematografisë sonë
6 Dhjetor 2021, 11:10
-
Pandemia e COVID-19, aktori Reshat Arbana jep mesazhin e tij për vaksinimin: T’i ruajmë e t’i mbrojmë njerëzit e zemrës nga transmetimi i virusit
27 Tetor 2021, 08:51
-
'Vdis duke qeshur' çel Festivalin e Komedisë në Korçë
30 Gusht 2021, 13:29
prap LUIZA XHUVANI djali i saj esht me i sjellshmi ne ter shqiperin
Përgjigju