Ndeshje për jetë a vdekje, Italia kërkon tre pikët në transfertë kundër Polonisë

Ndeshje për jetë a vdekje, Italia kërkon tre pikët në transfertë kundër Polonisë

Skuadra italiane

Italia e Roberto Mancinit do të luajë sonte një sfidë për jetë a vdekje kundër Polonisë në Ligën e Kombeve. “Axurrët” pas dy ndeshjeve të para kanë grumbulluar vetëm 1 pikë, po aq sa Polonia dhe në rast disfate është e sigurtë që sezonin e ardhshëm të Ligës së Kombeve do të luanin jo më në Ligën A, por B.

Gjithsesi matematika i lejon katër herë kampionët e botës që të shpresojnë edhe për vendin e parë, pavarësisht se ky pozicion mbahet nga Portugalia me gjashtë pikë. Ndeshja do të luhet në qytezën e Hozhuv në stadiumin e Slaskit me një kapacitet prej 55 mijë vendesh.

Precedentët e mëparshëm mes këtyre dy skuadrave janë 15, me 5 fitore të Italisë, 3 të Polonisë dhe shtatë barazime, e fundit një muaj më parë në Dalara të Bolonjës. Në konferencën për shtyp trajneri i Italisë Mancini ka dashur të heqë presionin nga lojtarët duke deklaruar se edhe në rast humbje nuk do të ishte fundi i botës.

Nga minuta e parë për Italinë këtë sfidë pritet ta nis Lorenzo Insigne, i cili në mungesë të Balotelli-t dhe Bellotti-t do të udhëheqë majën e sulmit. Nga ana tjetër me mjaft interes pritet jo më Levandovski, por 23-vjeçari Piatek, i cili këtë fillim sezoni ka mrekulluar në “Seria A” duke shënuar 9 gola për Xhenoan në kampionat.

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Si do jenë ndryshimet në Kodin Zgjedhor që do bëjnë PS-Rithemelimi?



×

Lajmi i fundit

Një shesh në Tiranë do të mbajë emrin e Dr. Florit, ja ku ndodhet

Një shesh në Tiranë do të mbajë emrin e Dr. Florit, ja ku ndodhet