Në Greqi ra gjëma, në Shqipëri na hapën barkun

Në Greqi ra gjëma, në Shqipëri na hapën barkun

Zjarret që përfshin Greqinë javën e kaluar

Tani që zjarret në Greqi lanë pas këtë bilanc të tmerrshëm që po fryhet përditë sikur me qenë kancer, vë re që të paktën ka rënë patetizmi. Në raste fatkeqësish apo vdekjesh, shqiptarinë e zë një patetizëm i madh. Mendoj se miti i vdekjes është i lidhur pazgjidhshmërisht me qenësinë tonë ilirike mbi këtë tokë.

Na vjen nga lashtësia dhe sido që sot jemi krejt ndryshe të zhvilluar, rrënjët na tërheqin fort pas vetes. Vajtimi i Ajkunës është një klithmë që e vë re në çfarëdo morti. Vajin e burrave në veri na e dëshmoi më së miri Martin Camaj, madje pas vdekjes së vet. Vajtojcat e toskërisë janë kudo, ku ndodh zija. Këngën e Ali Pashait e kemi këngë dasme. Gjëmë në dasëm, ku njerëzit kërcejnë hareshëm vdekjen.

Kjo shpjegon, përse jemi aq të ndjeshëm, (po ngulmoj) patetik, kur ora e keqe ndodh. Jemi ndoshta i vetmi vend në botë që japim drejtpërdrejtë në televizion ceremoni të përcjelljes së fundit, jemi ndoshta të rrallë që filmojmë mortin e njeriut të afërm, që ta shohim si kujtim, ashtu si kemi bërë me lindjen apo martesën.

Në këtë këndvështrim shprehja e dhimbjes për llahtarën e Greqisë është mëse e kuptueshme për shqiptarët, të cilët e përjetojnë vdekjen, po aq fort sa jetën. Kjo shpjegon që në rrjete sociale gjeje me qindra mijëra ngushëllime apo shpallje të këtilla si: “Unë jam Grek!”, “I love Greece”, “Zemra ime është në Greqi” e plot të tjera.

Madje, një shkrim që bëri Ergys Mërtiri u vendos në shtyllën e turpit. Në fakt, Ergysi veç sa u keqkuptua, por kjo vlejti për të nxjerrë në krye që “…nuk thuhen këto gjëra, kur tjetrin e ka prekur një fatkeqësi e madhe.”, apo “…ç’faj kanë njerëzit e pafajshëm se ç’bën politika?”.

Edhe këtu kemi mitin e vdekjes që na udhëheq. Për të vdekurin flitet vetëm mirë. Kjo është një marrëveshje që e kemi të shkruar në gjak, nuk e ka mësuar kush. Nuk ka lidhje me mirësjelljen, por me nevojën për të lëvduar heroin që kësaj here ra në fushën e betejës, pra në vdekje.

Në mes të komenteve të shumta, ato që më bënë më shumë përshtypje, të vetmet që nuk lidhen me mitin, të vetmet që më hapin barkun janë të llojit: “Greqia na ka mbajtur me bukë”, “Fëmijët na i ka rritur Greqia”. “Greqia na bëri njerëz” e kështu me radhë. Që të kuptohemi do më përzihej njësoj, nëse këto fjali do të nisnin me Gjermania, Italia apo Amerika.

Sipas mendimit tim, Greqia nuk ka mbajtur askënd me bukë dhe askujt nuk i ka bërë ndonjë nder të kësaj natyre. Greqia, ashtu si vendet e tjera europiane pritën refugjatët shqiptarë pas viteve ’90 dhe për këtë i duhet thënë “faleminderit” me gjysëm zëri, pasi ato operacionet “fshesa” janë shprehja më e ulët e racizmit që mund të shprehë një shtet më i pasur për fqinjin e tij më të vobektë.

Për të tjerat, këta njerëz punuan orë e pa orë, ditë e natë dhe u shpërblyen më pak se grekët apo italianët. Bënë punët më të vështira dhe e mbajtën vetë veten me bukë. Fëmijët e tyre shkuan në shkollat publike dhe jo në pak raste shkëlqyen. Po në shumë raste grekët nuk i lanë ta mbanin flamurin në parakalimin e shkollës.

Atje, ku i lanë u përballën me mërinë smirëzezë të prindërve të tjerë grekë, të cilëve u ndyhej flamuri po ta mbante në dorë një çupë apo djalë shqiptar. Askënd nuk bëri njeri Greqia a Gjermania. Janë ata prindër, ajo familje, ato rrënjë që na kanë bëjnë këta njerëz që jemi sot, të mirë apo të këqinj qofshim. Perëndimi na mësoi do mënyra më të qytetëruara, por na e mati kokën me pe. Ndaj, ata që thonë këto gjepura e që në festa kërcejnë sirtaki, kanë një problem psikologjik të ngjashëm me Sindromën e Stokholmit, të cilën nuk jam duke e shpjeguar, se ka me u ardh’ hidhët, nëse nuk e njohin.

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • fshatidigjet-k...: 01/08/2018 07:06

    se c"deshe te thoshje???

    Përgjigju
  • Duce: 01/08/2018 05:20

    Greket i nderruan shqiptareve konbesine ,emrat dhe fene i lane njerez pa indetitet duke i zhveshur traditen e tyre qytetare dhe kombetare.sa here i tekej benin operacionet fshesa.sa te rinj jane vrare nga policia greke.para 1 muaji e vrane dhe e torturuan nje djale nga pogradeci pastaj e hodhen nga shkembi qe gjoja vrau veten.Sa cameve u vodhen tokat she shtepite dhe sa te tjereve i vrane?Asnje vend fqinj nuk ka pretendime territoriale sikurse ka greku per shqiperine.cfare doni me prej grekut? Kur natoja bombarfonte serbine janullatosi dhe greku dilnin neper kanalet televizive ruse kunder natos.ja pra ky eshte greku.

    Përgjigju
  • Perseri e nxorre qe e nxorre:: 31/07/2018 14:15

    Drejtori kishte thirrur brigadierin dhe punetorin per ti hequr verejtje brigadierit: -Dhe degjo,ti brigadier!Mos i thuaj me evgjit ketij jevgut!

    Përgjigju
  • Niko: 31/07/2018 13:40

    Shkrim te mire por shume m*t nxhore nga goja. Ndoshta tya qe ke qen legen ne greqi ne vitet 91-97 nuk tu sill mire.

    Përgjigju
    • Niko: 31/07/2018 21:59

      aro kur shikon pemen humb pyllin. Mund te ket shkoll dhe per ne, por shkoll per ju ska o vlla sepse qeni nuk meson me shume se ullu dhe ngriu. Greku na dha shume gjera, italia na mbyti ne 99' ne Vlore, por tya ste pelqen sepse kofsha ishte pule dhe jo vici.

    • aro: 31/07/2018 16:30

      Mëso shqipen, hë të keqen, se ka shkolla shqipe edhe për ju grekofonët!

  • Tironsi: 31/07/2018 13:37

    €€€€CENSURA€€€€

    Përgjigju
  • Ilir: 31/07/2018 11:25

    Bravo Enkel! Shkrim i goditur!

    Përgjigju
  • dsasa: 31/07/2018 11:09

    bravo enkel

    Përgjigju
  • Fiks: 31/07/2018 11:04

    Bravo, shkruaj më shpesh dhe shumë si ty duhet të shkruajnë më shpesh se na ka lidhur sytë këto pseudoartistët, pseudokëngëtarët, pseudogazetarët....etj. Injoranca dhe cektesia është ulur këmbëkryq në këtë vend të qindra e mijëra talenteve që tashmë janë rrugëve të botës pa një stacion fiks sepse sapo kthehen shohin nivelin tmerrësisht të pa zhvilluar të njerëzve që qeveritë, politika i tërheq për hunde sa herë të dojë e si të dojë. EDHE NJËHERË TË LUMTË!

    Përgjigju
  • Sondazhi i ditës:

    Mendoni se komisionet hetimore për Shëndetësinë e TIMS do kenë rezultat?



×

Lajmi i fundit

‘1 milion euro për dashni’, komedi tek ‘Eksperimentali’! ‘Marie Kraja’, 2 net spektakli në Opera! Nga Roland Tasho tek Stefano Romano, Tirana me ekspozita!

‘1 milion euro për dashni’, komedi tek ‘Eksperimentali’! ‘Marie Kraja’, 2 net spektakli në Opera! Nga Roland Tasho tek Stefano Romano, Tirana me ekspozita!