X

POP 5

Lajmet më të lexuara të 5 minutave të fundit

Kronikë

Ngritja e KLP-së, Gjonaj: Përzgjedhje cilësore dhe transparente e 6 prokurorëve

Kompletimi i anëtarëve të Këshillit të Lartë të Prokurorisë, i cili u zgjodh ditën e djeshme ka sjellë dhe reagimin e Ministres së Drejtësisë Etilda Gjonaj, e cila ka shprehur vlerësim maksimal duke përcjellë mesazhe inkurajuese se e njëjta gjë duhet të ndodhë edhe me Këshillin e Lartë Gjyqësor.

Ngritja e KLP-së, Gjonaj: Përzgjedhje cilësore dhe transparente e 6 prokurorëve

Etilda Gjonaj, Ministre e Drejtësisë

Ministrja e Drejtësisë, Etilda Gjonaj ka reaguar përmes një statusi për zgjedhjen e gjashtë anëtarëve nga radhët e prokurorisë që do të formojnë institucionin e parë të dalë prej reformës në drejtësi, Këshillin e Lartë të Prokurorisë.
Gjonaj shprehu vlerësimin e saj maksimal për mbledhjen, procesin e votimit, i realizuar sipas saj me transparencë dhe përgjegjshmëri të lartë por edhe për anëtarët e përzgjedhur për në KLP.

“Një përzgjedhje cilësore për 6 prokurorët që do të jenë anëtarë të KLP, të cilët me vlerat, përvojën e kontributin e tyre do t’i japin jetë qeverisjes së ardhshme të prokurorisë, zbatimit me sukses të reformës në drejtësi. Suksese në detyrën e tyre shumë fisnike e me shumë përgjegjësi para qytetarëve shqiptarë”,- shprehet ministrja në statusin e saj në Facebook.

Ministrja shtoi se kishte bindjen se të njëjtën përgjegjshmëri dhe qytetari do të tregojnë sot edhe gjyqtarët për zgjedhjen e anëtarëve të KLGj-së. Prokurorët që fituan të drejtën të jenë pjesë e KLP-së janë: Besnik Cani (Prokuroria e Elbasanit), Gent Osmani (Prokuroria e Krimeve të Rënda), Antoneta Sevdari (Prokuroria e Tiranës), Bujar Sheshi, Arben Dollapi (Prokuroria e Apelit), Kostaq Beluri (Prokuroria e Përgjithshme)

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Partia e Mitsotakis kandidon Fredi Belerin për eurodeputet, si e vlerësoni?

Lajme të tjera



×

Lajmi i fundit

'Finalja' kundër Real Madrid, Pep Guardiola: Respekt për kundërshtarët, i urojmë nëse na mundin

'Finalja' kundër Real Madrid, Pep Guardiola: Respekt për kundërshtarët, i urojmë nëse na mundin

16 Prill, 17:19