Gjyqtari i '21 janarit' drejt 'djegies' nga Vettingu, KPK: S'justifikon pasurinë

Anëtari i Gjykatës së Lartë, gjykatësi Tom Ndreca është përballur ditën e sotme me "sitën" e Vettingut. Ndreca kishte zgjedhur të ishte vetë i pranishëm në sallë gjatë seancës së sotme dëgjimore, ndërkohë që përfaqësohej edhe nga avokatja e tij, Mine Progonati. Trupi gjykues përbëhej nga Brunilda Bekteshi, Roland Ilia dhe Firdes Shuli.

Vettingu për Ndrecën po zhvillohet për tre komponentët bazë, atë të pasurive, anën profesionale dhe morale. Sipas KPK, ai nuk justifikon pasurinë e katërfishuar ndër vite dhe nuk ka deklaruar arrestimin e kunatit për prodhim dhe shitje narkotikësh. Ndreca është bërë anëtar i Gjykatës së Lartë me propozim të presidentit Nishani dhe ka gjykuar dosjen e “21 janarit” dhe i ka dhënë Lulzim Bashës në Gjykatë Bashkiën e Tiranës në garën kundër Edi Ramës. 

Në 7 vite, nga 2003 deri në 2010, gjyqtari deklaron se ka blerë 4 shtëpi me kursime nga paga. Ndreca deklaron një apartament 120 m2 e garazh 18 m2 në rr. Muhamet Gjollesha të blerë në 2003 me vlerën e 2 milion e 400 mijë lekë, burim për të cilin është bërë shitja e një apartament në Rrëshen.

Më pas gjykatësi ka blerë një apartament në Golem blerë në 2009 me vlerë 31 mijë euro, një apartament tjetër me vlerën e 6 milion lekëve me sipërfaqe 92.6 m2 i blerë me kursimet nga paga e bashkëshortes. Në emër të bashkëshortes së tij rezulton një automjet dhe një llogari bankare me vlerën e 3 milion lekëve.

LEXO EDHE:
Gjyqtarja Ardiana Bera jep shpjegime për bilancet negative dhe vendimin për 21 janarin

Sipas KPK-së, Ndreca s’ka deklaruar likunditet e gruas dhe fëmijëve në vlerën e 1.5 milion lekë nga 2009 deri ne 2016.

• Nuk ka deklaruar automjetin në emër të djalit në vitin 2005.
•  Po ashtu s’ka deklaruar shtesën në llogari me vlerë 2.1 milion lekë në 2006. Gjithashtu s’ka deklaruar tre llogari bankare në emër të gruas K.N dhe djalit E.N., i cili ka edhe një veturë në emër të tij.
•  Ndreca pranon mosdeklarimet duke dhënë sqarime herë si lapsuse e herë si harresë.  Madje shprehet se s’ka eksperiencë në plotësimin e deklatatave, ndërsa pasurinë e pajustifikuar Ndreca e justifikon si të mosllogaritje të ardhurash nga 1980 deri në 2003.

Nga hetimi ynë ka rezultuar se në dt 11.7.2012 është bërë kontrata e shitjes së mjetetit midis N.Gj dhe motrës së Ndrecës. Shtetasi N.GJ. është kunati i Ndrecës, por ka patur informacion është person me precedent kriminalë pasi është arrestuar në 2011 për prodhim dhe shitje narkotikësh.

Relatorja e KPK

Sipas KPK-së hetimi për këtë shtetas është pushuar nga Prokuroria e Shkodrës, pasi sasia e kapur ka qënë prej 400 gr ka qënë për përdorim vetiak. Po ashtu sasia prej 6 kg nuk është vërtetuar se e ka futur ai në shtëpinë e tij. Por këtë fakt Ndreca se ka deklaruar këtë fakt në DSIK.

Vetë Ndreca ka kërkuar rrethana lehtësuese pasi është shprehur se nuk e ka ditur që kunati ka qënë i arrestuar dhe se nuk kishte dijeni mbi rrethanat proceduriale se ç’kishte vendosur prokurori dhe se të gjitha këto i kishte mësuar më 29 qershor të 2018-ës.  Pas KPK-së, fjalën e mori avokatja Mine Progonati. Sipas saj, Ndreca ka nivel të besueshëm sipas ILDKPI-së dhe se në dokumentat e pasurisë s’ka fshehje.

Të ardhurat e fituara nga Tom Ndreca janë mbi 50 % e pasurive që ai disponon. Në Kushtetutë është dhënë që pasuria duhet të jetë 2-fish e pasurisë së ligjshme. Përsa i përket lapsuseve të bërë në deklaratë kjo k ndodhur pasi  askush nuk e udhëzoi Tom Ndrecë apo gjyqtarët e tjerë si ta plotësonte.

Mine Progonati, avokate

Më tej avokatja ka shtuar se ka një ndryshim në pasurinë e tij sepse ndryshoi kursi dhe një këst i shtëpisë u pagua në dollarë. Nga 1997 deri në vitin 2017 arredimi i banesës ku jeton Ndreca ka kushtuar 1.7 milion lekë. Gjithashtu gjyqtari ka marrë 900 mijë lekë borxh tek të afërmit, ndërsa eksperti ka vlerësuar se në fund të vitit 2003 Ndreca ka patur 1.4 milion lekë cash.

Pjesë nga seanca dëgjimore:

Tom Ndreca: Këto janë punë shifrash e ndaj kam marrë ekspert. Bëhet fjalë për 22 vite punë, shtëpinë e kemi ndërtuar në Kukës fillimisht nga luga e piruni e kam ardhur në Mirditë e më pas në Tiranë. Është e vështirë të bësh inventarin e një shtëpie. Të ardhurat e mia vetëm nga paga 1991 - 2003 e justifikojnë. Kur merresh me shifrat duket sikur çfarë është bërë.                                                       

KPK: Z.Ndreca ju pretendoni se keni patur të ardhura. Po atëherë përse keni marrë borxhe dhe ai i keni deklaruar këto pranë ILDKPI?                                                                                                

Progonati: Këtë borxh ne se mbajtëm në shtëpi por nga paga e shoqërisë së ndërtimit që gjykata e Apelit kishte kontaktuar për të ndërtuar pallatin e gjyqtarëve. 

KPK: Pyetja s’ishte për apartamentin dhe huan. Pyetja ishte pretendoni se keni pasur të ardhura nga 1980 deri në 2003, të ardhurat që keni patur janë deklaruar në 2003, po apo jo? Përgjigjuni: po ose jo?                                                                                                          

Progonati: Makinën s'e kemi fshehur. Ajo makine s’funksionoi dhe në 2005 u mor një mjet me të njëjtat kushte. Llogarit bankare janë llogari rrjedhëse të pagave të anëtarëve të familjareve. Ato nuk fshihen.

Tom Ndreca: Përsa i përket automjetit. Unë nuk ngas makinë. Me makinën është marrë djali.

Progonati: Droga e kapur N.Gj,  është prë  përdorim vetiak. Prandaj u pushua edhe çështja.                                                                    

Progonati: Gjithë kjo zhurmë e vlerësim është se Ndreca s’ka thënë që ka dikë të lidhur me krim të organizuar. Po a hyn kjo tek krimi organizuar? Neni 283, paragrafi 1, për të cilën ka qënë i proceduar N.Gj nuk përfshihet dhe kjo s’është krim i organizuar. Nëse ka probleme me teknikën legjislative s’ka përse e paguan Tom Ndreca. Asnjëherë s’është menduar se e kishte kunat e ta fshihte. Por s’është pjesë e krimit të organizuar. Ndreca kurrë se ka ditur si shkoi procesi për N.Gj

KPK: Kur DSIK tha fillimisht i përshtatshëm, pse s’duhet merret parasysh? Nuk u deklarua kontakti me N.Gj pasi u vlerësua se s’bënte pjesë tek krimi i organizuar.                                                           

Tom Ndreca: N.Gj s’ka qënë i pandehur por i dyshuar. Tani është në vlerësimin tuaj.                                                                                 

KPK: Në 2010 ju keni bërë kërkesa për kredi për strehim. Kjo kredi s’ju dha pasi u vërtetua se iu kishit banesë me sip.120m2. Përse e bëtë këtë kërkesë, për përfitim?                                                     

Tom Ndreca: Bëhet fjalë për 2010 kur na u shpërnda formulari. Nga ana ime dhe të disa kolegëve u aplikua dhe kreu i Gjykatës së Lartë miratoi listën ia kaloi më pas bankës. Pastaj banka se kaloi kredinë. Me kredi s’përfitohet gjë se ajo do shlyhet. Kisha dhe kam nevojë për strehim pasi kam dy djem të rritur. Duke qënë se ishte kjo kredi, bëra kërkesë dhe aplikua.                                                 

KPK: Ishit i ndërgjegjshëm se sipas ligjt s’ju takonte kjo kredi?

Pas bërjes së pyetjeve avokatja Progonati ka kërkuar rikonfirmimin në detyrë, ndërsa KPK e ka vendosur seancën e dhënies së dënimit me  me dt. 17 korrik.

TAG:
• vettingu
• KPK
• tom ndreca

Sondazhi i ditës:

A ka politika frikë nga SPAK-u?

• Po

  68.4%

• Jo

  26.8%

• Nuk e di

  4.8%

Vota total: 2224

• Sondazhi i ditës:

  A ka politika frikë nga SPAK-u?

  Po Jo Nuk e di