Goditet banda shqiptare që vidhte banesat në Gjermani dhe Francë, 5 në pranga, njëri arrestohet në Kukës (VIDEO)

Goditet një grup i organizuar kriminal shqiptar për vjedhjen e banesave në Francë dhe Gjermani. Në një njoftim të shpërndarë nga Policia e Shtetit, thuhet se Gjermania, Franca, Shqipëria dhe Europoli, punuan krah për krah për t'i vendosur autorët e krimit para drejtësisë. Pesë persona janë arrestuar si pjesë e bandës që ka grabitur disa banesa në jug të Gjermanisë, ndërsa në Francë, llogariten 45 banesa të thyera nga i njëjti grup.

Një prej anëtarëve të bandës është arrestuar në Kukës. Gentjan Duraku, 29 vjeç, lindur dhe banues në Kukës u prangos në banesën e tij. Siç duket edhe nga pamjet e shpërndara nga Policia e Shtetit, në operacion ka marrë pjesë edhe një efektiv i policisë gjermane. 

"Si pjesë e një hetimi të përbashkët mbi një seri vjedhjesh banesash në Gjermani dhe Francë, oficerët e policisë shqiptare në bashkëpunim me homologët e tyre gjermanë dhe francezë dhe me mbështetjen e Europolit, javën e kaluar kontrolluan një numër të madh pronash në Shqipëri dhe arrestuan një shtetas të dyshuar se i përkiste një grupi të lëvizshëm të krimit të organizuar. 

Kjo është faza e fundit e veprimeve në një hetim që ka paraprirë tashmë arrestimin e katër anëtarëve të tjerë të të njëjtit grup kriminal. Hetimi u nis nga autoritetet gjermane në Offenburg në gusht 2017, pasi një grup i krimit të organizuar shqiptar ra në rrjetën e tyre, për kryerjen e një numri vjedhjesh banesash në jug të Gjermanisë. 

Në të njëjtën kohë, xhandarmëria franceze (OCLDI) po heton gjithashtu një grup kriminal shqiptar përgjegjës për më shumë se 45 vjedhje banesash në Francë.

Më pas u bë e qartë se të dy autoritetet ato gjermane dhe franceze, po hetonin të njëjtën organizatë kriminale e cila ishte aktive në të dy vendet njëkohësisht.

Në fillim të vitit 2018 u arrit në përfundimin se të dyshuarit nën hetim nga xhandarmëria franceze, i kishin zgjeruar aktivitetet e tyre kriminale në Gjermani. 

Bazuar në këtë zhvillim të ri, autoritetet gjermane të zbatimit të ligjit në Offenburg, morën masa dhe arrestuan në janar të këtij viti 3 shtetas shqiptarë, të dyshuar si pjesë e këtij grupi të krimit të organizuar. Xhandarmëria franceze ndoqi nga afër dhe në Paris u arrestua një anëtar tjetër i këtij grupi, në mars 2018", thuhet në njoftimin e Policisë së Shtetit.

Informacioni i mbledhur nga të gjithë.

Në fazën e fundit të këtij hetimi, policia shqiptare ( Task - Forca "Anti Skifter", DVP Kukës, Tiranë, Fier, Vlorë e Gjirokastër ) ka kontrolluar në fillim të korrikut nëntë apartamente, bare dhe restorante në Tiranë, e mbështetur në vendngjarje nga ekspertë të Europolit, Xhandarmëria Franceze (OCLDI) dhe selia qendrore e policisë në Offenburg. 

Si rezultat, një i dyshuar si pjesëtar i të njëjtit grup u arrestua në Kukës, dhe u gjetën disa sende të çmuara që besohej se ishin rezultat i vjedhjeve të ndryshme. 

Dëmi i vlerësuar financiar përllogaritet afërsisht në 500 000 euro, me dëmtime të rënda psikologjike për viktimat. Informacioni i mbledhur gjatë ditës së zhvillimit të operacionit, është duke u analizuar. 

Hetimet tashmë kanë identifikuar anëtarët e tjerë të këtij grupi të lëvizshëm të krimit të organizuar, që besohet se përfshin mbi 40 vetë të cilët veprojnë si në Francë ashtu edhe në Gjermani. Bashkëpunimi ndërkombëtar policor i koordinuar nga Europol kishte rol kyç në vënien e këtyre autorëve para drejtësisë me të arrestuarin e fundit, rezident jashtë BE-së.

Europol bëri bashkë forcat e ndryshme policore, për t'i ndihmuar ata të bashkonin pikat e përbashkëta të hetimeve të tyre të ndryshme, duke ofruar ndihmë analitike përpara dhe gjatë ditës së operacionit, duke përfshirë edhe dërgimin e një eksperti në Tiranë, për të ndihmuar në kontrollin e ndërsjellë të të dhënave.

/b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Kafsha: 10/07/2018 23:05

    Bajgëri e gjallë neandërtalësh që na nxorën bojën

    Përgjigju
  • Gringo: 10/07/2018 20:59

    "Gojet e liga" thone se ky kuksiani kishte ardhur per te protestuar per tarifen e rruges Kombit se nuk kishte te paguante.

    Përgjigju
  • Sondazhi i ditës:

    Si do jenë ndryshimet në Kodin Zgjedhor që do bëjnë PS-Rithemelimi?



×

Lajmi i fundit

Superkupa e Italisë nuk ndryshon format, zhvillohet sërish në Arabinë Saudite

Superkupa e Italisë nuk ndryshon format, zhvillohet sërish në Arabinë Saudite