Protesta nesër, burime nga policia e Tiranës: Opozita mori leje për 4 orë. PD e mohon

TIRANE-Protesta nesër para Kryeministrisë do të nisë në orën 11:00 dhe pritet që të përfundojë në orën 15:00. Në kërkesën e parë për leje nuk saktësohej orari sa do të zgjaste tubimi, ndërsa në ditën e sotme sipas burimve për Report Tv nga Policia e Tiranës, opozita e ka ridërguar duke saktësuar se do të zgjasë katër orë. Por nga PD e mohojnë një gjë të tillë. 

Ditët e fundit në media është folur për disa skenarë, përfshirë edhe atë të çadrës, sikur ndodhi një vit më parë, por Arben Ristani dje në emisionin ’45 Minuta’ e mohoi kategorikisht një gjë të tillë. Opozita kërkon largimin e ministrit të Brendshëm Xhafaj dhe të Ramës, pasi e akuzojnë si të lidhur me krimin dhe korrupsionin.

Kauza e opozitës është ngritur mbi një përgjim misterioz të publikuar nga PD ku pretendohet se Albert Veliu, një eksponent i njohur i botës së krimit në Vlorë, bisedon me Agron Xhafajn, vëllain e Ministrit të Brendshëm Fatmir Xhafaj, për sigurimin e një sasie kanabisi për trafikim drejt Italisë. Materiali është dërguar për ekspertizë në Itali, ndërsa Xhafaj sfidoi Bashën sot duke deklaruar se nëse rezulton i vërtetë përgjimi do të japë dorëheqjen nga posti, në të kundërt duhet të ikë Basha.

TAG:
• edi rama
• lulzim basha
• fatmir xhafaj
• agron xhafaj
• albert veliu
• protesta e 26 majit
• dosja babale

Sondazhi i ditës:

A ka politika frikë nga SPAK-u?

• Po

  67.8%

• Jo

  28.2%

• Nuk e di

  4.1%

Vota total: 245

• Sondazhi i ditës:

  A ka politika frikë nga SPAK-u?

  Po Jo Nuk e di