Orkestra e Mbretërisë së Aragonit koncert në Tiranë, artistët sollën veprën “Amor Brujo” në skenë

Orkestra e Mbretërisë së Aragonit që ka ngjallur kuroizitet në mbarë botën, pati mbrëmë si destinacion Tiranën. Skena e Turbinës mbrëmjen e djeshme, mundi të prekë “Rrënjët spanjolle të shekullit e XX-të”, me muzikë dhe balet. Orkestra spanjolle ka performuar në më shumë se 43 produksione, 100 koncerte duke kaluar 125 mijë pjesëmarrës në spektaklet e saj, ajo erdhi nën drejtimin e Ricardo Casero për publikun shqiptar, që luajtën “Suita spanjolle”, “Sevilla” për violinë, si dhe pjesë për orkestër. 

Dirigjenti spanjoll, i cili mbart një karrierë më shumë se 33-vjeçare si interpretues dhe solist, solli në skenën e “Turbinës” një spektakël muzikor të këndshëm. Një kombinim i gjetur i elementëve të “Orkestrës së Mbretërisë së Aragonit” me instrumentistë shqiptarë bëri publikun për vete. Magjia e tingujve spanjoll u interpretua nga instrumentist shqiptarë, si Agigela Voshtina dhe spanjoll Carles Lizondo. Duartrokitja për mjeshtërinë e orkestrimit i takoi kompozitorit Gerti Druga. Një nga momentet më interesantë të mbrëmjes ishte ai i vënies në skenë të “Amor Brujo” të kompozitorit Manuel De Falla.

Mexosopranoja Vikena Kamenica jo vetëm që këndoi, por edhe recitoi ditën e djeshme duke nxjerrë në pah aftësitë e saj më të mira interpretuese. Me lëvizjet e saj, mimikën dhe sytë që i shkëlqenin nga “marrëzia e dashurisë”, Vikena vuri në dukje dramën dhe çmendurinë e një dashurie që ndoshta magjia do ta bënte të mundur.

LEXO EDHE:
Lindi 1750 gramë, Raina e vogël fiton betejën për jetën në maternitetin 'Mbretëresha Geraldinë'

Binomi Spanjë-Shqipëri erdhi këndshëm dhe me përshtatjen në shqip të disa pjesëve të “Amor Brujo”, e gjitha kjo bëri që publiku, i cili e kishte mbushur sallën të përfshihej edhe më shumë, duke arritur të perceptojë edhe më mirë atë që po ndodhte në skenë. Pjesët teatrale ndihmuan që panorama e kësaj dashurie torturuese të kthjellohej edhe më shumë. Balerina Isida Mollaymeri me elasticitetin e saj solli në skenë një cigane gati hipnotizuese, që i kishte hije “Dashurisë shtrigane”.

Amor Brujo” bazohet në një legjendë popullore dhe ka si protagoniste një cigane të quajtur Kandela, e cila është braktisur nga njeriu që dashuron. Kështu ajo i drejtohet një magjistricë, e cila duhet t’i përgatiste një pije që do të bënte të mundur kthimin e të dashurit të saj. Por kur kupton se shpella është boshë, ajo vetë improvizon si magjistricë dhe ia del mbanë.

Balerina Isida Mollaymeri

TAG:
• Tirane
• koncert
• teatri turbina
• Orkestra e Mbretërisë së Aragonit

Sondazhi i ditës:

Rithemelimi propozon rikthimin e koalicioneve të vjetra, a jeni dakord?

• Po

  18.6%

• Jo

  73.3%

• Nuk e di

  8.2%

Vota total: 1325

• Sondazhi i ditës:

  Rithemelimi propozon rikthimin e koalicioneve të vjetra, a jeni dakord?

  Po Jo Nuk e di