OSBE dhuron 6 lexues portabël të pasaportave biometrike për Policinë Kufitare

Policia Kufitare do të përdorë 6 lexues lëvizës për pasaporta biometrike në pikat e kalimit, për të shmangur radhët e gjata dhe lehtësuar lëvizjen e grupeve të turistëve që vijnë me autobusë në Shqipëri. Punonjësit e Policisë do të shkojnë në çdo mjet, duke kontrolluar dokumentet biometrike dhe mos lejuar krijimin e radhëve të gjatë në pikat hyrëse e dalëse. Pajisjet janë të integruara në sistem dhe i transmetojnë të dhënat në kohë reale.

Kryetari i Prezencës së OSBE-së në Shqipëri Bernd Borchardt ia dorëzoi lexuesit portabël, Drejtorit të Përgjithshëm të Policisë së Shtetit Ardi Veliu.

Veliu dhe Borchardt vlerësuan si mjaft të mira marrëdhëniet mes Policisë së Shtetit dhe OSBE-së, si dhe nevojën për t'i forcuar akoma më tej.

Veliu falënderoi Ambasadorin për ndihmën e vazhdueshme kryesisht për Policinë Kufitare si dhe e ka siguruar atë se Policia e Shtetit mbetet e vendosur në luftën kundër krimit të organizuar, trafiqeve të paligjshme, migracionit të paligjshëm dhe terrorizmit.

Në këtë kuadër na nevojitet bazë logjistike dhe dhurimi i këtyre lexuesve është një ndihmë e madhe për ne si dhe një lehtësim për qytetarët pasi shkurton kohën e përpunimit të dokumentacionit në kufi.

Drejtori i Përgjithshëm të Policisë së Shtetit, Ardi Veliu

Ambasadori Borchardt ka vlerësuar angazhimin dhe seriozitetin e Policisë në luftë kundër krimit të organizuar, trafiqeve të paligjshme , terrorizmit e kundër migrimit të paligjshëm, si dhe ka premtuar se Prezenca e OSBE-së do jetë përherë një mbështetje e madhe për Policinë e Shtetit.

//Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Mendoni se komisionet hetimore për Shëndetësinë e TIMS do kenë rezultat?



×

Lajmi i fundit

Përplasi për vdekje me ‘Range Rover’ 52-vjeçarin, arrestohet i riu në Fier

Përplasi për vdekje me ‘Range Rover’ 52-vjeçarin, arrestohet i riu në Fier