Paditë ndaj gazetarëve, Çipa: Negative, po i ndjekim me vëmendje

Unioni i Gazetarëve Shqiptarë raporton se vetëm në 4 muajt e parë të vitit 2018, ka 15 raste ku gazetarët janë në procese gjyqësore. Kreu i Unionit, Aleksandër Çipa tha se paditja e punonjësve të medias e sidomos reporterëve, ndikon negativisht tek puna e tyre.

Ne mendojmë që po, çdo proces gjyqësor është pashmangshmërisht një stres e gjendje delikate të gazetarit në kuptimin juridik. Fatmirësisht deri tani nuk kemi penalitete nga gjykata në ngarkim të gazetarëve.

Aleksandër Çipa, Kryetar i Unionit të Gazetarëve

Duke ju referuar padisë së gjyqtarit, Gjin Gjoni ndaj dy gazetarëve të gazetës Shqiptarja.com, Adriatik Doci dhe Elton Qyno, Çipa tha se Unioni po e ndjek rastin me vëmendje. 

LEXO EDHE:
Kandidimi i Belerit në Parlamentin Europian, avokati: Efekt elektoral në Greqi! Dhuli: Në rast se ka zgjedhje në Himarë, mund të mos marrim pjesë

Janë disa kolegë të gazetës Shqiptarja.com të cilët janë në proces gjyqësor me një gjyqtar të njohur. Ne jo vetëm që jemi shprehur për këtë rast, por po e ndjekim me vëmendje për të rritur sensibilitetin e komunitetit tonë në mbrojtje të të drejtave të kolegëve.

Aleksandër Çipa, Kryetar i Unionit të Gazetarëve

Unioni i Gazetarëve Shqiptarë në këtë raport rendit shqetësuese pagat e vonuara, apo të pa marra ende prej muajsh të gazetarëve në disa media, si dhe shkruhet për një faliment të konsiderueshëm të mediave lokale. 

TAG:
• adriatik doci
• aleksander çipa
• unioni i gazetareve
• padi

Sondazhi i ditës:

Rithemelimi propozon rikthimin e koalicioneve të vjetra, a jeni dakord?

• Po

  19.1%

• Jo

  73.4%

• Nuk e di

  7.5%

Vota total: 1102

• Sondazhi i ditës:

  Rithemelimi propozon rikthimin e koalicioneve të vjetra, a jeni dakord?

  Po Jo Nuk e di