POP 5

Lajmet më të lexuara të 5 minutave të fundit

Paguhet kësti i fundit te CEZ, shteti shqiptar sërish pronar 100% i OSHEE

Foto ilustruese

Qeveria shqiptare arrin të rifitojë pronësinë 100% të Operatorit të Shpërndarjes së Energjisë Elektrike (OSHEE) që prej privatizimit te çekët e CEZ në vitin 2009. Kompanisë CEZ Group i janë paguar 95 mln euro, shumë për të cilën ishte rënë dakord mes qeverisë shqiptare dhe çekëve.

 

CEZ u largua nga Shqipëria në vitin 2013. Në qershor të vitit 2014, qeveria shqiptare dhe ajo çeke arritën një marrëveshje për zgjidhjen e konfliktit, lindur në janar 2013. Kjo marrëveshje kishte tre pika: Së pari, transferimin e menjëhershëm të aksioneve në favor të shtetit shqiptar, 76% që zotëroheshin nga CEZ, duke i dhënë shtetit shqiptar pronësi të plotë të shoqërisë. Së dyti, pala çeke hiqte dorë nga kërkimi i vlerës prej 103 milionë eurosh, të paguar për blerjen e aksioneve në vitin 2009 si dhe nga çdo pretendim tjetër financiar që lidhet me vlerën e blerjes dhe investimeve fillestare. Së treti, shoqëria e re e shpërndarjes e energjisë, pra shoqëria e re që mori aksionet nga pala çeke e kontrolluar nga shteti, merrte përsipër t’i paguajë palës çeke një vlerë prej 87.1 milionë eurosh. Kjo vlerë ra dakord të paguhej me këste deri në vitin 2018, me një vlerë të përgjithshme interesi 7.9 milionë eurosh mbi principalin e rënë dakord. Ky principal përfaqëson kreditë e marra dhe shumat e faturuara dhe të kërkueshme në çdo kohë nga CEZ s.a.

 

Përmirësimi i aktivitetit të kompanisë

Pas marrjes së kontrollit nga qeveria, performanca e operatorit të shpërndarjes së energjisë u përmirësua ndjeshëm. Të dhënat e fundit të publikuara nga OSHEE bënë të ditur se treguesi kryesor, niveli i humbjeve në rrjet, periudha janar-qershor 2018, ka shënuar nivelin e 25.4 nga 28.6% që ishte në 2017, për të njëjtën periudhë, ndërkohë para nisjes së reformës, niveli i humbjeve ishte 45.3%.

 

Në muajin qershor 2018, OSHEE arriti të zbrisë nivelin e humbjeve në nivelin 20.8%, tregues ky optimist për realizimin e objektivave të vendosura nga qeveria dhe partnerët e huaj.

 

Elton Sevrani, Drejtor i Divizionit Tregtar, deklaron se, humbjet e energjisë janë ulur në raport me 6-Mujorin e parë 2017 me 3.2%.

Investimet përgjatë (2016-2018), administrimi i kompanisë si dhe angazhimi i punonjësve të OSHEE kanë rezultuar të suksesshme duke ulur nivelin e humbjeve dhe rritur të ardhurat. Pa harruar punën e vazhdueshme me kontrollet në terren, për matjen dhe reduktimin e vjedhjes së energjisë, projektet dhe planet e ndryshme të veprimit, të cilat kanë dhënë kontribut pozitiv në reduktimin e nivelit të humbjeve teknike dhe jo-teknike.

             Elton Sevrani

 

Në lidhje me arkëtimet, totali si 6-mujor i parë 2018 arriti në 33.4 miliardë lekë, ose 1.5 miliardë më tepër se ne 2017, pra me rritje 4.7%.

 

Normës së Arkëtimit ndaj faturës pararendëse, e cila në 6-mujorin 2018 arriti 101.2% (për disa vite ka qenë rreth 70%), me rritje në masën 2.8% në raport me 6-mujorin 2017.

a.de.
Komento

Komente

  • Kozetafecani: 21/08/2018 20:39

    Keto jane pasojat qe la Sali gerdalla nje vend te mbytur me borxhe dhe ka goje dhe flet

    Përgjigju
  • Kafsha: 09/08/2018 11:10

    Bravo!

    Përgjigju