Paketa fiskale 2019, studiohet mundësia e uljes së tatimit mbi dividentin
Paketa e re fiskale pritet të sjellë ndryshime të rëndësishme taksash duke filluar që nga 1 janari i vitit të ardhshëm. Ndryshimi kryesor është ulja e tatimit mbi dividentin.
Foto Ilustruese
Paketa e re fiskale pritet të sjellë ndryshime të rëndësishme taksash duke filluar që nga 1 janari i vitit të ardhshëm.
Ndonëse drafti nuk është bërë publik, ndryshimi kryesor është ulja e tatimit mbi dividentin. Aktualisht, norma e tatimit mbi dividentin është 15 për qind. Propozimi i qeverisë në paketën e re fiskale është që kjo taksë të zbresë në një nivel më të ulët.
Aktualisht po shqyrtohen dy variante. I pari është ai që tatimi mbi dividentin të zbresë në 8 për qind, ndërsa varianti i dytë parashikon uljen e kësaj takse në shkallën 10 për qind. Varianti final pritet të zyrtarizohet nga vet kryeministri, gjatë ditëve në vijim kur paketa të bëhet publike.
Ulja e tatimit mbi dividentin lehtëson barrën e taksave, kryesisht për bizneset e mëdha. Por, qeveria e cilëson atë si një masë kompensuese, që pason uljen e taksave për biznesin e vogël, e cila u votua pak kohë më parë.
Përmes një pakete të miratuar në mes të këtij viti, por që hyn në fuqi nga 1 janari i vitit të ardhshëm, qeveria e uli me tri herë tatimfitimin për bizneset e vogla dhe të mesme, me xhiro vjetore nga 8 deri në 14 milionë lekë në vit. Për këto biznese, shkalla e tatimfitimit është 15 për qind. Por, sipas paketës së miratuar në mes të vitit, nga 1 janari i vitit të ardhshëm ai do të ulet në 5 për qind, një masë nga e cila sipas qeverisë përfitojnë mbi 10 mijë biznese të vogla dhe të mesme.
Të dyja lëvizjet e fundit përbëjnë një kthesë jo të vogël në politikën fiskale të qeverisë. Në vitin 2014, kur sapo erdhi në pushtet, Qeveria “Rama” rriti si tatimfitimin, ashtu dhe dividentin; nga 10 për qind që ishin në 15 për qind; ndërsa tani, të dyja këto taksa ulen gati në nivelet ku ishin. Por, a është kjo një “mea culpa” dhe një pendesë për politikën tatimore të ndjekur deri më tani?
Qeveria pretendon që jo. Sipas saj, në vitin 2014 rritja e taksave ishte e detyrueshme për të mos lejuar falimentimin e shtetit, ndërsa tani financat publike janë stabilizuar dhe buxheti ka mundësi për të lehtësuar barrën e biznesit./tch
Sondazhi i ditës:
Mendoni se komisionet hetimore për Shëndetësinë e TIMS do kenë rezultat?
-
PO
16.5%
-
JO
76.6%
-
Nuk e di
6.9%
Vota total: 5354
Lajme të tjera
-
Tatimet ‘i vihen pas’ shoferëve me makina luksoze! Hetim të ardhurave të pronarëve! Në 2026, ngrihet regjistri me pasuritë e milionerëve
20 Janar, 13:18
-
Pronat e dhuruara ndaj kushërinjve të parë nuk përjashtohen nga tatimi 15%! S'llogaritet tatim për pasuritë e paluajtshme me vlerë deri 5 mln lekë
18 Janar, 07:26
-
VKM/ Qeveria, shtesë fondi 1 miliard lekë për disa institucione të pavarura! 822 mln lekë për 'Drejtësinë'
20 Dhjetor 2023, 22:44
-
Report Tv siguron draftin/ Në 2026, ngrihet regjistri me pasuritë e milionerëve! Prej 2024 aksion ndaj informalitetit në disa sektore, plan masash për uljen e pagesave 'cash'
17 Dhjetor 2023, 14:14
-
Buxheti 2024/ 5.3 mld lekë ndahen për emergjencat civile! 800 mln u shkojnë bashkive për fatkeqësitë natyrore, 500 mln për mbrojtjen e digave
4 Nëntor 2023, 19:21
-
Komisioni i Ekonomisë u mblodh online, deputeti i PS, Erion Braçe: Sali Berisha nuk na bllokon dot!
1 Nëntor 2023, 18:04
-
Blegtoria në rënie/ Qeveria lehtëson blerjen nga jashtë të bagëtive, hiqet TVSH-ja në import për kafshët e gjalla
1 Nëntor 2023, 09:26
-
Paketa fiskale/ Tavan për akcizën, gjoba të reja për bizneset që nuk paguajnë në kohë tatimin! Indeksimi jo në bazë të inflacionit
31 Tetor 2023, 19:41
-
Paketa Fiskale 2024/ Kufizohet rritja e akcizës për karburantet, produktet energjetike e pijet alkoolike, shkak inflacioni i lartë
27 Tetor 2023, 20:29
-
Nis hartimi i buxhetit dhe paketës fiskale për 2024-ën! Ministria e Financave për Report Tv: Ndryshime në taksa e tatime
6 Tetor 2023, 17:34
-
Tatim i ri te profesionet e lira, Gjokutaj: Do rriten çmimet, nxit informalitetin dhe largimet drejt fqinjëve! Çoçoli: Taksë e padrejtë, diskriminuese
22 Shtator 2023, 20:00
-
Tatim 15% për pagat e të larguarit padrejtësisht nga puna
22 Shtator 2023, 15:46