'Kush do të bëjë të fortin, Policia do t’i 'nxijë' jetën!', Xhafaj: Shumë shpejt prezantojmë paketën antikrim

TIRANË- Ministri i Brendshëm, Fatmir Xhafaj me anë të një statusi në Twitter ka paralajmëruar se shumë shpejt do të prezantojë paketën antikrim, e cila do të jetë me masa më të ashpra.

Në statusin e tij, Xhafaj shkruan se kush do të guxojë të bëjë "të fortin” përballë shtetit, Policia do t’i “nxijë” jetën.

Shumë shpejt prezantojmë paketën antikrim me masa më të ashpra. Aksione të tjera dhe rezultate konkrete. Kjo është Policia e Shtetit në veprim me Forcën e Ligjit, në shërbim të qytetarëve! Mjedis mbytës dhe Ndëshkim për ata “Të fortët” e lokaleve, lagjeve & qyteteve tona dhe shantazhuesve të biznesit. Qetësi, rend e siguri për qytetarët, kudo që ata janë. Kush guxon të bëj “të fortin” përball shtetit, Policia do t’i “nxijë” jetën! “Forca e Ligjit” në veprim, parandalim dhe ndëshkim të veprimtarisë kriminale. Operacioni policor “Ndëshkimi i ‘të fortëve” në kontrollin e territorit rezultate të jashtëzakonshme. Në rreth 30 ditë, mbi 300 persona të arrestuar!

LEXO EDHE:
Në 25 vjetorin e Kushtetutës, Berisha akuza drejtësisë! Sulmon kryetaren e GJK: Fjalor i zhvejkut, politizimi i gjyqësorit po i çjerr maskën reformës së re

Fatmir Xhafaj, ministër i Brendshëm

Më tej, Xhafaj risolli edhe njëherë në operacionin policor “Ndëshkimi i ‘të fortëve”, falë të cilit në rreth 30 ditë u arrestuan mbi 300 persona.

Për të njëjtin operacion ka folur sot edhe drejtori i Policisë së Shtetit Ardi Veliu sqaroi se mes 328 personave të arrestuar, 160 kishin  precedentë, 154 ishin në kërkim kombëtar, 14 ndërkombëtar, ndërsa u sekuestruan 43 armë zjarri, automjete dhe një sasi e konsiderueshme parash. 

TAG:
• fatmir xhafaj
• ministri i brendshem
• operacioni antikrim