POP 5

Lajmet më të lexuara të 5 minutave të fundit

Pas pak në 'Repolitix', video ekskluzive e rrëmbimit të një të riu në qytetin e Vlorës

Momenti kur rrëmbehet Elvis Troqe

Emisioni "Repolitix"  në Report Tv transmeton sonte videon e rrëmbimit të një personi në qytetin e Vlorës në muajin korrik, i cili edhe sot e kësaj dite rezulton i zhdukur. Fjala është për të riun Elvis Troqe fati i të cilit nuk dihet prej dy muajsh. 

Në pamjet e siguruara ekskluzivisht nga gazetari i Report Tv, Artan Hoxha, duken dy automjete, një i rrëmbyesve dhe tjetri i bashkëpunëtorit i cili mban në monitorim objektivin. Troqe vëzhgohet fillimisht për vendndodhjen e tij, teksa ndodhej në ambientet e një bar-kafe.

Rrëmbyesit sinjalizohen nga informatori dhe më pas aty mbërrin makina tjetër një automjet tip "Mercedes-Benz". Viktima përshëndetet fillimisht me drejtuesin e automjetit dhe më pas hipën me vetëdije, por pas asaj dite ai nuk është parë më dhe është denoncuar i zhdukur në polici. 

Në qytetin e Vlorës rezultojnë tre persona të zhdukur, Albano Xhaferri 34-vjeç, Marjo Metushaj dhe Elvis Troqe.  

Video do transmetohet sonte në "Repolitix" prej orës 20:30. 

l.q.
Komento