Pasi fshiu statusin për sherrin tek “Media”, reagon sërish deputetja e PD-së: Zgjidhja për Teatrin duhet të kënaqë të dyja palët

Deputetja e Partisë Demokratike, Rudina Hajdari u shpreh dje kundër tensioneve të krijuara në Komisionin e Medias nga deputetët e PD-së.

Hajdari reagoi dje nëpërmjet një statusi të shkurtër në Twitter, prononcim që u pasua nga një valë reagimesh kundër deputetes së PD-së.

Hajdari e fshiu pak orë më vonë statusin në Twitter, ndërsa sot ka zgjedhur platformën Facebook për të përçuar reagimin e saj.

LEXO EDHE:
‘Biznesmenit’ i bëhet ‘gjyqi’ në Teatër! Gëzim Kame e Viktor Zhusti ‘mbledhin’ në tryezë figura të drejtësisë në pension. Artistët rrëfejnë shfaqjen

Në statusin e saj, Hajdari shkruan se artistët dhe qytetarët kanë të drejtë në pretendimin e tyre, por sipas saj duhen dëgjuar të gjitha palët.

Hajdari shkruan se zgjidhja duhet të kënaqë të dyja palët.

Reagimi i plotë:

Ndërtesa e Teatrit Kombëtar nuk u shkaterrua as në kohën e Enver Hoxhës. Ndëkohë që ai shuajti çdo gjë tjeter perreth pazarit të vjetër, Teatrin e la të mbijetojë.

Revoltimi i artistëve dhe i qytetarëve është absolutisht i drejtë dhe me arsyetim të pastër për kërkuar të drejtën e prezervimit të kësaj ndërtese sepse është një ndërtesë që ka memorje historike dhe kulturore, dhe nuk ka gjë më shtrenjtë sesa kjo për një shtet.

Si deputete, për mua është akoma më e rëndësishme që Zëri i të gjithëve duhet dëgjuar dhe kërkesat e tyre duhen marrë parasysh.

Çdo shqetësim në lidhje me këtë cështje, po ngelen vetëm në kuadrin e dëgjimit, pra nuk merret parasysh asnjë kërkesë e bërë nga ana e artistëve apo qytetarëve. Artistëve dhe qytetarëve që janë kundër shëmbjes po i bëhet një imponim i pa drejtë.

Ajo çfarë duhet të ndodhë është që përvecse të dëgjohen të gjitha ankesat e artistëve, mendoj se duhen marrë dhe masa që të arrihet një zgjidhje që kënaq të dyja palët.

Kjo gjë nuk po ndodh dhe nuk duhet harruar.

Rudina Hajdari, deputete e PD-së

TAG:
• teatri kombetar
• Artistet
• sherri ne komision
• Rudina Hajdari

Sondazhi i ditës:

Ilir Meta sulmon kreun e SPAK, si e vlerësoni?

• Të drejtë

  11.7%

• Të gabuar

  83.6%

• Nuk e di

  4.7%

Vota total: 5385

• Sondazhi i ditës:

  Ilir Meta sulmon kreun e SPAK, si e vlerësoni?

  Të drejtë Të gabuar Nuk e di