Pasioni i madh për “euron”, shqiptarët harrojn “lekun”

Pasioni i madh për “euron”, shqiptarët harrojn “lekun”

Foto ilustruese

Banka Qendrore Europiane renditi Serbët dhe Shqiptarët si më të pasionuarit në Rajonin e Ballkanit për përdorimin e euros.

Sipas të dhënave që i përkasin vitit 2017, serbët mbajtën në monedhën euro 64.2 për qind të kursimeve të tyre në banka, teksa shqiptarët u renditën të dytët duke mbajtur 43.2 për qind të kursimeve totale në valutën euro.

Euro shihet të jetë më pak dominante në kursimet e maqedonasve (36.6%), boshnjakëve (35.3%) dhe turqve (16.25).  Siç shihet nga të dhënat turqit preferojnë më pak përdorimin e euros në rajonin tonë pasi vijojnë të kenë të orientuar pjesën më të madhe të tregtisë dhe shërbimeve në dollarin amerikan.

Edhe pse interesat për kursimet në monedhën e përbashkët janë më të ulta se në monedhën kombëtare, Shqiptarët vijojnë të ruajnë kursimet në euro, tregues i mosbesimit në monedhën kombëtare.

Por sipas të dhënave të BQE euro vijon të jetë prezente në vendet jashtë zonës së euros më shumë në sektorin e tregtisë, importeve dhe eksporteve se sa në kursime dhe depozita. BQE parashikon se prezenca e euros në shërbimet bankare do të vijë në ulje në vijim për shkak të angazhimeve që kanë marrë vendet jashtë BE për të përdorur monedhat e tyre kombëtare.

Shqipëria është bërë pjesë e këtij procesi teksa muajin e kaluar kanë hyrë në fuqi disa masa që inkurajojnë përdorimin e euros nga bankat, pasi Banka e Shqipërisë ka rritur kostot për rezervat dhe euro dhe ka ulur ato për lekun.

Në rang global euro mbeti monedha e dytë më e fuqishme pas dollarit amerikan.  Në tremujorin e fundit të 2017 dollari amerikan zuri 62 % të këmbimeve ndërkombëtarë, euro 20 %, valuta kineze renminbi 1.2 % dhe yehni japonez 4.9%.

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Mendoni se komisionet hetimore për Shëndetësinë e TIMS do kenë rezultat?



×

Lajmi i fundit

Një shesh në Tiranë do të mbajë emrin e Dr. Florit, ja ku ndodhet

Një shesh në Tiranë do të mbajë emrin e Dr. Florit, ja ku ndodhet