PD, Paloka: Mos hiqni asnjë
nga puna, ofrojmë konsensus
Kryetari i grupit demokrat: Ja propozimi ynë për “Nëpunësin civil". Paloka: Njerëzve po u shkohet në zyra si Gestapo. Të marrë fund.
TIRANE- Kreu i grupit parlamentar të PD, Edi Paloka ka bërë një propozim konkret për të tejkaluar krizën që ka shpërthyer mes mazhorancës dhe opozitës në lidhje me aktin normativ për Nëpunësin Civil. Në lidhje me shtyrjen e hyrjes në fuqi të ligjit të nënpunësit civil, Paloka ka thënë se opozita ofron kompromis, vetëm nëse këto 6 muaj nuk hiqet askush nga administrata publike, nga puna. “Doni marrëveshje, mos lëvizni nga administrata asnjeri për këto gjashtë muaj. Nëse nuk kanë qëllim largimin e njerëzve nga administrata, të bëjnë një bllokim siç është administrata sot.
Kjo ishte një ide e imja, nuk jam unë ai që vendos. Sapo më erdhi kjo ide në fakt, pse jo dhe mund të diskutohet”, u shpreh Paloka për mediat. Sipas tij hyrja në fuqi e ligjit për Administratën Publike një nga tre ligjet e vëna si kusht nga BE për statusin e vendit kandidat, në prill të vitit të ardhshëm, është përpjekje e mazhorancës së re për të pastruar administratën dhe për t’i zëvendësuar ata me militantë të majtë. “Ligji është shumë i plotë, është përgatitur nga europianët jo nga ne. Janë bërë dhe shtesat e socialistëve. Ata nxjerrin justifikimin e akteve nënligjore. Ato përgatiten pasi ligji hyn në fuqi. Ky është një justifikim që lidhet me shkatërrimin e administratës.
Nëse do largohen njerëzit siç janë larguar këto ditë drejtorët pa asnjë procedurë, pa asnjë rregull, janë mbledhur borde në mes të natës dhe me këto borde është shkarkuar brenda natës një drejtor, këto janë skandale. Kjo është e gjithë arsyeja pse kërkohet shtyrja gjashtë muaj”, deklaroi Paloka. Ai ka vijuar akuzat për emërimet e qeverisë në drejtoritë kryesore. “Nuk thotë njeri të mos bëhen lëvizje brenda administratës. Do ishte absurde ta kërkonim një gjë të tillë. Ne po flasim për atë që po ndodh, që ka ndodhur dhe këto ditë, ndryshime pa asnjë lloj procedure, pa asnjë lloj kriteri, kë i do qejfi.
Mundësisht njerëz pa dinjitet fare që t’i kontrollojë lehtësisht dhe të bëjnë çfarë të duan. Po u bëhet presion të gjithëve për t’u larguar nga puna”, tha Paloka. Për të cilin është i pajustifikueshëm një presion i tillë. “Kemi vite që flasim për stabilitet në administratë. PS hoqi dhe pastrueset nga puna në 97-n. Tashmë njerëzve nëpër zyra u shkohet si gestapo, po u bëhet presion për t’u larguar. Për fat të mirë dhe socialistëve që mbajtëm ne në punë, po u bëhet e njëjta gjë”, tha Paloka.
Shkrimi u publikua sot (05.10.2013) në gazetën Shqiptarja.com (print)Redaksia Online(d.d/shqiptarja.com)
Sondazhi i ditës:
Rithemelimi propozon rikthimin e koalicioneve të vjetra, a jeni dakord?
-
Po
19.1%
-
Jo
72.1%
-
Nuk e di
8.7%
Vota total: 2329
Lajme të tjera
-
O’Brien nesër në Beograd për takime me krerët e Serbisë
19 Prill, 22:54
-
GOLAT/ Juventus për turp, barazon 2-2 me Cagliarin! Lazio i falet Luis Albertos, mund Genoan në udhëtim
19 Prill, 22:54
-
VIDEO/ Juventus 'lë nam', barazon 2-2 me Cagliarin në Sardegna
19 Prill, 22:50
-
Tri pikë shprese, Eintracht Frankfurt fiton 3-1 ndaj Augsburg dhe 'blindon' Evropën (GOLAT)
19 Prill, 22:42
-
Ulsi Manja: Politikë riintegruese për të dënuarit e të paraburgosurit
19 Prill, 22:41
-
Scholz: Lufta në Ukrainë mund të zgjasë disa vite
19 Prill, 22:19
-
CRIME STORY/ Kronika e përgjakur e pushtimit italian më 7 prill të 1939
19 Prill, 22:14
-
'Të vdektë fëmija në bark nëse je shtatzënë', Sara e prekur nga komentet e rënda
19 Prill, 22:12
-
Ervin Mete: Ekonomia e Shqipërisë e qëndrueshme, por e ndikuar nga rrethanat financiare globale
19 Prill, 21:59
-
I dehur në timon, arrestohet efektivi i policisë në Rrogozhinë
19 Prill, 21:45
-
KPA lë në fuqi shkarkimin e prokurorit të Beratit Tasim Puci, Vetingu lë jashtë dhe ndihmësin ligjor të gjykatës Administrative
19 Prill, 21:43
-
2 milionë e 400 mijë tonë naftë prodhoi Shqipëria në vitin 1974! Flet në Esencë eksperti Gjergji Foto
19 Prill, 21:35