Përfundimi i shkencëtarëve, “Të rinjtë po bëhen gjithnjë e më budallenj”

Përfundimi i shkencëtarëve, “Të rinjtë po bëhen gjithnjë e më budallenj”

Foto ilustruese

Të rinjtë po bëhen gjithnjë e më budallenj. Koeficientet e inteligjencës kanë filluar të bien me nga shtatë pikë për gjeneratë, në një tendencë që sipas shkencëtarëve, është shumë shqetësuese.

Koeficientet e inteligjencës janë rritur për çdo dekadë që nga Lufta e Dytë Botërore, por tani kanë filluar të bien sërish. Sipas një studimi, të parit autoritar për fenomenin, rënia prej shtatë pikësh për gjeneratë, besohet se ka nisur me të lindurit në 1975-ën.

Rënia shënon fundin e një trendi, të njohur si efekti Flynn, që ka parë që koeficienti mesatar i inteligjencës të rritet për 60-70 vitet e kaluara, me nga tre pikë në një dekadë. Shkencëtarët e kanë cilësuar rezultatin impresionues, por në të njëjtën kohë edhe shqetësues.

Rënia vjen edhe për shkak të një ndryshimi në teknikën në të cilën gjuha dhe matematika mësohet në shkolla, sugjerojnë shkencëtarët. Sidoqoftë, faktor tjetër është edhe shpenzimi i më shumë kohe në mjetet teknologjike nga ana e njerëzve, që tani duket se i kanë kthyer shpinën librave.

Studime të mëparshme pranonin rënien e koeficientit të inteligjencës, por e vendosnin zanafillën e fenomenit në kohën e ndërrimit të shekujve. Zbulimet e fundit vijnë pasi shkencëtarët zbuluan në dhjetor 2017, se ngrënia e rregullt e peshkut, përmirëson inteligjencën e fëmijëve dhe i ndihmon ata të flenë më mirë.

Shkencëtarët zbuluan se fëmijët nga 9 deri në 11 vjeç, që konsumojnë peshk të paktën një herë në javë, kanë një koeficient inteligjence të paktën 5 pikë më të lartë krahasuar me të tjerët.

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Kafsha: 13/06/2018 08:00

    Sa më shumë budallenj aq më kollaj të kontrolluarët.

    Përgjigju
  • Sondazhi i ditës:

    Mendoni se komisionet hetimore për Shëndetësinë e TIMS do kenë rezultat?



×

Lajmi i fundit

Një shesh në Tiranë do të mbajë emrin e Dr. Florit, ja ku ndodhet

Një shesh në Tiranë do të mbajë emrin e Dr. Florit, ja ku ndodhet