Përmbytja në Bibliotekë, ende s'ka një shkak zyrtar, Instituti i Ndërtimit: Së shpejti do të kemi një përgjigje

Kanë kaluar dhjetë ditë nga momenti, që në Bibliotekën Kombëtare u dëmtuan nga shiu 12 mijë njësi bibliotekare. Specialistët e Institutit të Ndërtimit për Bibliotekën Kombëtare vijojnë punën për gjetjen e shkaqeve konkrete. Drejtori i këtij Instituti, Agron Hysenlliu thotë për Report Tv se grupi i ngritur posaçërisht, po punon për të mësuar më shumë rreth shkaqeve të përmbytjes dhe brenda një kohe të shkurtër do të ketë një përgjigje. 

Ndërsa, javës së shkuar për këtë situatë drejtoresha e institucionit, Persida Asllani, shpalli gjendje emergjente për Bibliotekën Kombëtare. Biblioteka qëndroi mbyllur deri në datë 30 qershor. Gjendja e rëndë e godinës është paralajmëruar nga vetë Asllani qysh një vit më parë, kur për shkak të rënies së zjarrit u asgjesuan rreth 3.300 njësi biliotekare.

Pas këtij dëmtimi u vendos, që lexuesëve të thjeshtë dhe studiuesve mos t`u shërbehet më libri jashtë ambienteve të institucionit. Asokohe Asllani kërkoi jo vetëm, që të kishte zhvendosje të fondit të Bibliotekës Kombëtare në ambiente të tjera, por propozoi themelimin e një Biblioteke të qytetit të Tiranës me mbështetje të Bashkisë edhe ndërtimin e një Biblioteke të re Kombëtare. 

Për këtë gjendje ka pasur reagim edhe nga Shoqëria Civile. Vetëm brenda një jave janë bërë dy protesta para ambienteve të Bibliotekës Kombëtare.

TAG:
• permbytje
• Biblioteka Kombëtare

Sondazhi i ditës:

A ka politika frikë nga SPAK-u?

• Po

  68.3%

• Jo

  26.9%

• Nuk e di

  4.7%

Vota total: 2616

• Sondazhi i ditës:

  A ka politika frikë nga SPAK-u?

  Po Jo Nuk e di