Po ‘fluturonte’ me 215 km/ h në Tiranë, policia- shoferëve: Shpejtësia u ndanë jetën në dysh (VIDEO)

TIRANE- Shpejtësia vazhdon të mbetet problem për policinë rrugore, ndërsa mbrëmë është kapur nga radarët një shofer që lëvizte me 215 km në orë, të cilit i është hequr leja e drejtimit, ndërsa policia ka një apel për të gjithë drejtuesit e makinave.

‘A e di ti që "Shpejtësia është një thikë që e ndan jetën në dysh? Sonte falëndero policinë që të ndaloi dhe e mbylle me heqje patente. Nisuni më shpejt po nuk të premton koha, respekto rregullat e qarkullimit, në rast se do të mbërrish i sigurt në destinacion’.

Policia Rrugore e Tiranës njofton se gjatë 12 orëve të fundit janë konstatuar dhe arrestuar në kushtet e flagrancës 6 persona të cilët janë konstatuar duke drejtuar mjetin në gjendje të dehur.

Gjithashtu nga kontrollet janë pezulluar 32 leje drejtimi nga të cilat 21 për drejtim mjeti nën efektin e alkoolit dhe 11 të tjera për shpejtësi mbi normat e lejuara, që varionin nga 157 km/h deri në 215 km/h, si dhe janë vendosur 136 masa administrative për shkelje të tjera të rregullave të qarkullimit rrugor.

Në muajt e fundit në Shqipëri janë regjistruar disa aksidente, ndërsa janë shënuar disa viktima dhe të plagosur.

/b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Mendoni se komisionet hetimore për Shëndetësinë e TIMS do kenë rezultat?



×

Lajmi i fundit

Autoriteti Palestinez formon kabinetin e ri

Autoriteti Palestinez formon kabinetin e ri