Pogradec/ Shoqërohen pas sherrit, dy të dehurit shkatërrojnë pajisjet në Komisariat

Policia e Pogradecit ka arrestuar në flagrancë 2 shtetas pasi kanë qenë në gjendje të dehur dhe janë konfliktuar fizikisht me disa persona.

Dy shtetasit, të dy banues në Pogradec, e kanë vazhduar sherrin brenda ambienteve të Komisariatit, ku kanë dëmtuar dhe disa mjete e pajisje.

Njoftimi i plotë:
Specialistët e Seksionit për Krimet në Komisariatin e Policisë Pogradec, bënë kapjen dhe arrestimin në flagrancë të shtetasve:
S.Ç., 33 vjeç dhe
B.S., 27 vjeç, të dy banues në Pogradec.
Pasi në datë 08.07.2018, rreth orës 02.00, në Sallën Operative Pogradec, ka ardhur një telefonatë se në lagjen nr 5 në Pogradec, po konfliktohen fizikisht disa persona. 
Në vendngjarje menjëherë kanë mbërritur shërbimet e Policisë. Shtetasit e mësipërm në gjendje të dehur, ishin konfliktuar me disa qytetarë të tjerë të cilët më pas ishin larguar.
S.Ç., dhe B.S., kanë kundërshtuar me dhunë punonjësit e Policisë, si gjatë shoqërimit të tyre për në Komisariat, por edhe në ambientet e brendshme të tij, ku kanë dëmtuar pajisje edhe mjete.
Materialet i kaluan Prokurorisë të Rrethit Gjyqësor Pogradec për veprat penale “Kundërshtimi i punonjësit të policisë së rendit publik”, kryer në bashkëpunim, “Shkatërrimi i pronës” dhe “Prishja e qetësisë publike”.

LEXO EDHE:
Tiranë/ Sherr masiv me gota e shufra hekuri në lokalin e natës tek Blloku, i përfshirë dhe një polic! 3 përfundojnë në spital

TAG:
• sherr mes te rinjve
• komisariat
• shkaterrohen

Sondazhi i ditës:

A ka politika frikë nga SPAK-u?

• Po

  68.8%

• Jo

  26.5%

• Nuk e di

  4.7%

Vota total: 3076

• Sondazhi i ditës:

  A ka politika frikë nga SPAK-u?

  Po Jo Nuk e di