Presidenti i PE: Mbështes hapjen e negociatave, do shqyrtojmë rekomandimin

Në vijim të vizitës së tij në Talini të Estonisë, ku po merr pjesë në Konferencën e Kryetarëve të vendeve të Bashkimit Evropian, Kryetari i Kuvendit të Shqipërisë, Gramoz Ruçi, së bashku me Kryetarin e Grupit Parlamentar të Partisë Socialiste, Taulant Balla, zhvilluan një takim me Presidentin e Parlamentit Evropian, Antonio Tajani.

Tajani e përgëzoi Kryetarin e Kuvendit për rekomandimin pozitiv të dhënë nga Komisioni Evropian për fillimin e çeljes së negociatave për anëtarësim, duke u shprehur se: “Do të shqyrtojmë në javët në vijim rekomandimin për hapjen e negociatave të Shqipërisë me Bashkimin Evropian”.

Lidhur me këtë, President i Parlamentit Evropian tha se ka një pozicionim të qartë se: “Shqipëria ka bërë hapa të rëndësishme përpara dhe për këtë unë e mbështes hapjen e negociatave për anëtarësim”.

LEXO EDHE:
‘Prefekti’ fut në sherr deputetët në seancë plenare! Balla: Ligji, që të kthejmë në ‘koordinator’ prefektin! Opozita: Kërkoni të kontrolloni edhe pushtetin lokal

Ruçi nga ana e tij e falënderoi Presidentin e Parlamentit Evropian për bashkëpunimin dhe mbështetjen e dhënë në rrugëtimin e Shqipërisë drejt anëtarësimit si vend me të drejta të plota në Bashkimin Evropian. Lidhur me këtë, Ruçi theksoi se Kuvendi i Shqipërisë do të vijojë punën për miratimin e reformave, të cilat përshpejtojnë hapat për anëtarësimin në BE.

TAG:
• gramoz ruçi
• taulant balla
• Hapja e negociatave
• antonio tajani

Sondazhi i ditës:

Ilir Meta sulmon kreun e SPAK, si e vlerësoni?

• Të drejtë

  11.5%

• Të gabuar

  83.8%

• Nuk e di

  4.7%

Vota total: 5325

• Sondazhi i ditës:

  Ilir Meta sulmon kreun e SPAK, si e vlerësoni?

  Të drejtë Të gabuar Nuk e di