Privatizimi i Diellit

Shihni se çfarë i bën administrata publike e pushtetit lokal pasurisë publike. Rrënim, shëmtim, ngushtim, pisllëk. Shihni pastaj sesi mbi këtë rrënim të qëllimshëm, në sytë e qytetarëve që zbëzajnë, jepen hapësira publike që t'i shfrytëzojë privati, i cili pasi privilegjohet, sigurisht di ta nxjerri lekun.

Ky është rrënim i qëllimshëm për ta degjeneruar publiken në favor të privates që e paguajnë qytetarët. Ore kanë mësuar edhe në distrikte PPP.

Ktheje përmbys publiken, lëre hurin pa tabelë, lëre rërën me mikrobe kolere, përmbysi varkat që qytetari t'ua hypi mbrapshtazi në rërë, si duket në foto, dhe jep pasurinë e qytetarëve te privati që kur ata ta përdorin të paguajnë për pasuritë e tyre.

LEXO EDHE:
Artan Fuga dialog në distancë me Bashkinë - Shkodër dhe kryetarin e saj zotin Benet Beci

Ore, ka më arsye në këtë vend?

Por, bregu i liqenit, liqeni, si bregu i detit dhe rëra, janë të natyrës, të të gjithëve, kush ka të drejtë t'i shfrytëzojë ato pa punë dhe pa krijuar vlera si pronë private.

Ore a e ka lexuar Adam Smithin, Rikardon, Xhon Lokun njeri në Pogradec, se Marksin nuk po zë në gojë se janë antimarksistë të tërbuar ca andej! Janë formuar teorikisht duke bërë kritikën e volumit të katërt të veprës Kapitali.

Ore do të privatizojnë Diellin, po, po, e kanë privatizuar, sepse privati jep Diell me cilësi më të mirë se sektori publik.

Ore ka avokat të popullit ky vend? 
Ka agjenci për konkurrencën? 
Ka ministri mjedisi apo Turizmi apo është zhvendosur në Jalë?
Ka këshilltarë bashkiakë?

TAG:
• artan fuga
• plazhe

Sondazhi i ditës:

Ilir Meta sulmon kreun e SPAK, si e vlerësoni?

• Të drejtë

  11.7%

• Të gabuar

  83.6%

• Nuk e di

  4.7%

Vota total: 5415

• Sondazhi i ditës:

  Ilir Meta sulmon kreun e SPAK, si e vlerësoni?

  Të drejtë Të gabuar Nuk e di