Punime në disa kabina elektrike, OSHEE njofton zonat pa energji në kryeqytet

Foto Ilustruese

OSHEE ka lajmëruar për ndërprerje energjie në disa nga zonat e Tiranës. Operatori i Shpërndarjes së Energjisë (OSHEE) njofton se po punohet në dy kabina dhe për rrjedhojë do të ndërpritet energjia në disa zona.

Njoftimi i OSHEE
Në kuadër të investimit për ndërtimin e rrjetit 20 kV, sot do të punohet në disa kabina të fiderave të nstacionit Rajonal.
Për këtë arsye gjatë intervalit kohor 09:00-13:00, do të stakohet energjia elektrike në fiderin 247 e nstacionit Dinamo.
Pa energji do të jenë: Zona pranë shinave të Trenit, Zona te 2000 Apartamentet, Rr. “Vangjel Noti”, Zona pranë Ish-kombinatit “Josif Pashko”.
Ndërsa fideri 241 do të stakohet gjatë intervalit të kohës 12:00-15:00 duke lënë pa energji rrugën “Jordan Misja” pjesërisht dhe zonën e ish-Uzinës “Dinamo”

e.gj./b.ha.
Komento