Real Madrid prezanton portierin Thibaut Courtois: Përmbusha një ëndërr të fëmijërisë

Real Madrid prezanton portierin Thibaut Courtois: Përmbusha një ëndërr të fëmijërisë

Portieri, Thibaut Courtois

Presidenti Florentino Perez mirëpriti blerjen më të re të Realit të Madridit, portierit belg Courtois. Klubi madrilene ka prezantuar portierin e ri, i cili falënderoi të pranishmit dhe Real Madridin për besimin tek ai. Përveç kësaj, Courtois deklaroi se “përmbush një ëndërr, që e kishte nga fëmijëria”:

“Natyrisht, jam shumë i lumtur. Çdokush që më njeh, e di se kam punuar për të ardhur këtu. Është një nder. Unë i jam shumë mirënjohës Real Madridit. Në të gjithë karrierën time kam dhënë gjithmonë më të mirën për të arritur këtë majë. Kjo ishte ëndrra ime që fëmijë, e kam ëndërruar këtë moment.

Po përmbush një ëndërr, që e kisha që në fëmijëri. Më duket e pabesueshme që do të ec mbi barin e fushës së stadiumit me ngjyrat e Real Madridit, klubit më të mirë në botë” – u shpreh Courtois.

Pasi mbaroi fjalën përshëndetëse, presidenti i dorëzoi fanellën e tij të re, edhe pse pa një numër. Pastaj, portieri belg vazhdoi të bënte fotografi protokollare me familjen e tij, çka përfundoi pjesën e parë të prezantimit. Edhe Chelsea ka prezantuar zyrtarisht mesfushorin kroat Mateo Kovaçiç, i cili ka lënë Realin e Madridit për një aventurë të re.

Përmes një deklarate në faqen e tyre të klubit, Chelsea njoftoi përfundimin e marrëveshjes me Real Madridin, pjesë e të cilës është edhe huazimi i Mateo Kovacic, ndërsa ky i fundit ka thënë fjalët e para si pjesë e bluve të Londrës. Në tre sezonet me “Los Blancos”, kroatit i është dhënë mundësia të luajë në 37 ndeshje të La Liga-s. Ai nuk ka luajtur asnjë minutë të vetme me Real Madridin në fitimin e tri Ligave të Kampionëve të njëpasnjëshme.

 

 

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Si do jenë ndryshimet në Kodin Zgjedhor që do bëjnë PS-Rithemelimi?



×

Lajmi i fundit

Xabi Alonso drejt rinovimit, Liverpool hedh sytë te trajneri portugez

Xabi Alonso drejt rinovimit, Liverpool hedh sytë te trajneri portugez