Rehabilitimi i segmentit kthesa e Patosit-Levan, Gjiknuri: Vitin e ardhshëm, bypass-i do ketë përfunduar

Ministri i Infrastrukturës dhe Energjisë Damian Gjiknuri inspektoi dy kantiere të Autoritetit Rrugor Shqiptar në zonën e Fierit. Ai gjeti rastin që të ndajë me publikun edhe një lajm të mirë sa i takon projekteve të mbetura pezull për ndërtimin e Bypass-eve të Fierit dhe Vlorës.  

Dua të jap edhe një lajm të mirë që sot përfundoi edhe parakualifikimi i fazës së parë të dy bypass-eve, atë të Fierit dhe atë të Vlorës. Këto ditë do të hapet tenderi për fazën përfundimtare që është dorëzimi i ofertave financiare dhe jam besimplotë që brenda këtij viti ne do të fillojmë punimet edhe në këto dy bypass-e të rëndësishme. Shpresojmë që bypass-i i Fierit vitin tjetër të jetë i përfunduar kurse bypass-i i Vlorës do të dojë më shumë kohë. Ajo çka është e rëndësishme është se edhe kësaj gangrene të infrastrukturës për shumë vite, ne i dhamë zgjidhje. Pra u prish kontrata, u siguruan të gjitha të drejtat juridike, u fillua procedura e re dhe kjo po shkon drejt përfundimit. Një procedurë kompetitive, transparente dhe e monitoruar nga BERZH-i si institucioni financues i këtij projekti.

Ministri i Infrastrukturës dhe Energjisë, Damian Gjiknuri

Më pas, ministri Gjiknuri ishte në Unazën Lindore të qytetit të Fierit ku ka nisur puna për rehabilitimin e plotë të segmentit nga rrethrrotullimi i Patosit deri në ish-QTU. Projekti parashikon më tej ndërhyrjen rehabilituese deri në Levan ku bëhet lidhja me autostradën Fier-Vlorë.

LEXO EDHE:
Filloi punimet 'Forumi Ndërparlamentar i Evropës Juglindore të Asamblesë Parlamentare të OSBE-së' 

Këtu siç e shikoni ka qenë një segment jashtëzakonisht problematik dhe në krye të besoj dy javëve kjo pjesë e segmentit që po punohet do të jetë tërësisht e rinovuar. Me Bashkinë e Fierit dhe me policinë jemi duke punuar që një pjesë e trafikut të devijohet brenda qytetit. Edhe njëherë u kërkojmë ndjesë qytetarëve por njëkohësisht edhe të na mirëkuptojnë. Është një periudhë shumë e shkurtër por përfitimi do të jetë shumë i madh. Korriku dhe Gushti që janë edhe muajt kulmor të sezonit do të kenë rrugë shumë më të mira dhe diferenca do të jetë e jashtëzakonshme.

Ministri i Infrastrukturës dhe Energjisë, Damian Gjiknuri

 Ministri inspektoi edhe aksin nga rotondo e Kolonjës deri në Mbrostar ku po kryhet rehabilitimi për të parandaluar degradimin e standardit të rrugës.  

TAG:
• trafikanti nga fushe kruja
• damian gjiknuri
• levan-fier
• Bypass-i Fierit

Sondazhi i ditës:

Rithemelimi propozon rikthimin e koalicioneve të vjetra, a jeni dakord?

• Po

  18.2%

• Jo

  74.9%

• Nuk e di

  6.9%

Vota total: 642

• Sondazhi i ditës:

  Rithemelimi propozon rikthimin e koalicioneve të vjetra, a jeni dakord?

  Po Jo Nuk e di