'Repolitix'/ Arlind Qori: S'pranojmë dialog me Ramën pa përgjysmuar tarifën e studimeve

Përfaqësues i "Lëvizja për Universitetin", Arlind Qori tha në "Repolitix" në Report Tv se studentët nuk do pranojnë të ulen në negociata me qeverinë, pa marrë vendimin më parë për përgjysmimin e tarifës vjetore të studimeve. Sipas tij, protesta ka rrëzuar edhe ligjin e Arsimit të Lartë. Sipas tij, reforma duhet të ribëhet nga e para. 

"Sa i takon ftesës së Ramës për dialog me studentët, Arlind Qori tha se kryeministri gënjen, pasi dy ditë më parë i quajti ngelësa. Këto janë fjalë në erë. Qeveria duhet të shprehë vullnetin e saj. Duhet të dalë dhe të thotë që këto kërkesa si përgjysmimi i tarifave, ne biem dakord. Ajo që ata quajnë negocim duhet të ribëhet reforma në arsimin e lartë. këtu qeveria duhet të jetë ajo që të thotë bëjeni, më jepni një version të rënë dakord brenda universiteteve dhe ne japim vullnetin tonë politik në bërjen e ligjit.

S'do pranohet asnjë lloj takimi me qeverinë sa nuk pranohet përgjysmimi i tarifës. Kjo është e vetmja kërkesë momentale që i bashkon të gjithë. Mund të ketë 20 kërkesa të tjera, por nëse qeveria kërkon të tregojë vullnetin e saj të mirë është, kjo që është kërkesë të bëhet realitet. Ne jetojmë në një vend ku njerëzit janë shumë të varfër. Duke rritur tarifën e bëjnë gjithmonë e më të pamundur për studentë të mirë dhe shumë të mirë por që nuk kanë mundësi të paguajnë. Mundësisht zero tarifa, të të mbështesë edhe qeveria me bursë, atëhërë konkurrojmë në kushte të barabarta", u shpreh Pedagogu i Shkencave Politike në Universitetin e Tiranës, Arlind Qori. 

 


Lajmi kryesor:

'Repolitix'/ Surprizojnë studentët, zbulohen dy kërkesat e reja, ligj të ri për Arsimin e Lartë dhe të ikë Nikolla


/b.ha./Shqiptarja.com
  • Sondazhi i ditës:

    Mendoni se komisionet hetimore për Shëndetësinë e TIMS do kenë rezultat?



×

Lajmi i fundit

Zhgënjen Denver, Golden State dhe Lakers fitore play-off

Zhgënjen Denver, Golden State dhe Lakers fitore play-off