'Repolitix', Olti Rrumbullaku: Rinia po ndahet nga partitë, larguan politikën nga protesta

Olti Rrumbullaku, pedagog i Fakultetit Ekonomik në Tiranë, tha në studion e "Repolitix" se protestat e studentëve treguan një fakt interesant sipas tij, ndarjen nga politika. Sipas tij, studentët që protestojnë sot përpara Ministrisë së Arsimit janë të datëlindjeve '97-'98 dhe nuk janë kultivuar me atë frymën që përjetoi ndryshimet e '90-ës. 

"Rinia po ndahet nga pjesa partiake. Nëse pyet të rinjtë nëse ndjekin orientimin partiak të familjes, ka një thyerje të madhe së fundi. Ka një thyerje që mbase nuk është kuptuar ende, por kjo protestë e tregoi se është një thyerje e tillë. Besoj se kjo mund të krijojë një mundësi për të dhënë opinionin e tyre, për të ndikuar politikën dhe duke lënë menjanë politikën. Vetë fjala politikë është e lidhur me partitë. Dhe kur i pyesim nëse janë për arsimin apo për një politikë tjetër, patjetër që mund të kenë një opinion. Por kur futen interesat e partive që janë larg grupeve sociale, thjesht duan të marrin atë drejtimin e saj dhe ta orientojnë, ndaj shpresoj që të jenë kështu në vijim. Ata studentë janë të ditëlindjes '97-'98, i përkasin periudhës dixhitale, nuk janë formuar siç janë formuar brezat e mëparshëm. Kjo distancë, ky këndvështrim negaticv i partive aktuale, shpresoj t'i mbrojë nga keqpërdorimi i partive", u shpreh Rrumbullaku. 

Lajmi kryesor:

'Repolitix'/ Surprizojnë studentët, zbulohen dy kërkesat e reja, ligj të ri për Arsimin e Lartë dhe të ikë Nikolla

/b.ha./Shqiptarja.com

TAG:
• repolitix
• protesta e studentëve
• olti rrumbullaku