KPA lë në fuqi pushimin e Vettingut, Mirela Fana 15 vite larg sistemit të drejtësisë

TIRANË- Ditën e sotme është zhvilluar seanca mbi rivlerësimin e gjyqtares pranë Gjykatës së Lartë, Mirela Fana.

Komisioni i Posaçëm i Apelimit ka vendosur të lërë në fuqi pushimin e Vettingut duke lënë, gjyqtaren Fana larg sistemit të drejtësisë për 15 vite.

Trupa gjykuese përbëhej nga Natasha Mulaj, relatorja Rezarta Schuetz dhe anëtarë: Albana Shtylla, Ardian Hajdari dhe Sokol Çomo.

LEXO EDHE:
Raporti për lirinë/ Freedom House: Qasja e shqiptarëve në drejtësi po përmirësohet! Shqipëria dhe Kosova vende ‘pjesërisht të lira’ pavarësisht përparimeve

Gjatë seancës, gjyqtarja ka vendosur të mos jetë e pranishme në seancë dhe as të mos përfaqësohet nga një avokat.

Gjyqtarja Mirela Fana dha dorëheqjen nga posti në Gjykatën e Lartë në janar të vitit të shkuar, pak përpara nisjes së procesit të Vettingut, me një akt shkresor pranë presidentit. Arsye e dorëheqjes sipas saj ka qënë thellimi i studimeve akademike. Por edhe pas dorëheqjes, Fana ka gëzuar statusin e magjistratit.

Në seancën e parë të zhvilluar më 16 korrik sërish ish-gjyqtarja nuk ishte e pranishme në seancë dhe nuk kishte as një përfaqësues ligjor. Gjë kjo që e detyroi KPA të shtyjë vendimin për të për në ditën e sotme. 

KPK vendosi më herët të pranojë dorëheqjen e Fanës dhe për rrjedhojë ndërpreu Vettingun ndaj saj, por Komisioneri Publik, Florjan Ballhysa, e ankimoi vendimin në KPA. 

Sipas tij Fana përfiton çdo të drejtë si magjistrate pasi ka bërë dorëheqjen nga posti i anëtares së gjykatës së Lartë dhe jo i statusit magjistrate.

TAG:
• vettingu
• Mirela Fana
• GJYQTARE

Sondazhi i ditës:

Basha akuzon se ka aleancë PS-Rithemelimi kundër SPAK, e besoni?

• Po

  30.9%

• Jo

  61.8%

• Nuk e di

  7.3%

Vota total: 4269

• Sondazhi i ditës:

  Basha akuzon se ka aleancë PS-Rithemelimi kundër SPAK, e besoni?

  Po Jo Nuk e di