'Rrezik për sulme terroriste gjatë Botërorit'/DASH paralajmëron shtetasit amerikanë në Rusi

Departamenti i Shtetit ka nxjerrë paralajmërim për shtetasit amerikanë që të shmangin planet për turizëm në Rusi, pasi mund të bëhen objekt “terrorizmi ose ngacmimesh”.

Udhëzimi doli sot, ndërkohë që në Rusi po zhvillohet Kampionati Botëror i Futbollit me ndeshje në 11 qytete të ndryshme të vendit.

Paralajmërimi i Departamentit të Shtetit thotë se aktivitete të mëdha ndërkombëtare si Botërori “përbëjnë një objektiv me interes për terroristët” dhe se “sulmet mund të ndodhin papritur në objekte me interes për turistët, në mjete të transportit urban ose në vende publike”.

LEXO EDHE:
Evakuohen mijëra banorë nga një rajon rus, pas thyerjes së pjesshme të digës

Po sipas udhëzimit “shtetasit amerikanë bëhen shpesh viktima frikësimesh, keqtrajtimesh dhe ngacmimesh të tjera nga forcat e rendit dhe zyrtarë të tjerë” dhe se shpesh herë “personeli konsullor pengohet në përpjekjet për t’u ofruar ndihmë shtetasve”.

Po ashtu Departamenti i Shtetit thotë se Rusia ka reduktuar numrin e diplomatëve amerikanë në atë vend, duke kufizuar “aftësinë e misioneve diplomatike për t’u ofruar shërbime shtetasve amerikanë”.

TAG:
• rusia
• boterori 2018
• departamenti amerikan i shtetit

Sondazhi i ditës:

Ilir Meta sulmon kreun e SPAK, si e vlerësoni?

• Të drejtë

  11.2%

• Të gabuar

  84.1%

• Nuk e di

  4.7%

Vota total: 4785

• Sondazhi i ditës:

  Ilir Meta sulmon kreun e SPAK, si e vlerësoni?

  Të drejtë Të gabuar Nuk e di