Rrezikoni të mbeteni invalidë nga dhimbja e kockave? Ndiqni këto hapa

Lidhja e shëndetit me ushqimin është vërtetuar prej kohësh dhe kjo vërtetohet më së miri në shëndetin e kockave. Nëse nuk e marrim në mënyrën e duhur kalciumin, vitaminën D dhe magnezin kockat mund të dëmtohen duke shkaktuar një shkallë të lartë të invaliditetit, reduktimit të aftësisë produktive, madje edhe me pasoja fatale për jetën, prandaj është më se e qartë se sa vëmendje duhet ti kushtohet parandalimit të kësaj sëmundje.

Një sëmundje e kockave është osteoporoza e cila redukton dendësinë dhe cilësinë e indit kockor. Ekzistojnë shumë faktorë rreziku të cilët ndikojnë në shfaqjen e osteopenisë dhe osteoporozës, por tek disa nga këta faktorë, sado që të mundohemi nuk mund të ndikojmë. Këto procese kanë të bëjnë me plakjen, gjininë dhe me përdorimin e ilaçeve të cilat i përdorni për shkak të trajtimit të sëmundjeve të tjera.

Te gratë, pas menopauzës, reduktimi i dendësisë së kockës është 5-10 herë më i shpejtë, si rezultat i çekuilibrimit të hormonit të estrogjenit, progesteronit dhe glukokortikoideve. Për të pasur kocka të forta është e rëndësishme marrja e kalciumit, magnezit, vitaminës D dhe aktiviteti fizik i rregullt.

Parandalimi
Ushqimet e pasura me kalcium janë një nga faktorët kryesorë në parandalimin e osteoporosës. Disa nga këto ushqime që ndikojnë në balancimin e kalciumfosforit janë: peshku, frutat e thata (arra, bajame, etj.) , produkte qumështi të fermentuara, perimet si lakra jeshile, e cila njihet si mbretëresha e kalciumit. Lëngu i karotës dhe lëngu i portokallit duhet të jenë gjithmonë pjesë e tavolinës për parandalimin dhe trajtimin e osteoporozës.

LEXO EDHE:
Altin Joka: Vitamina D suplement është një mit dhe mashtrim, efektet e dëmshme dhe arsyet pse nuk përthithet

Absorbimi i duhur i kalciumit
Për të ruajtur kalciumin në kocka, në dhëmbë, tek indet e buta dhe rreth nyjeve, është e nevojshme sasia e mjaftueshme e magnezit. Edhe pse janë të kundërta përsa i përket ndikimit të tyre në organizëm, magnezi dhe kalciumi veprojnë së bashku, si rezultat i gjendrave paratiroide. Edhe pse përqendrimi i magnezit është i ulët, përqendrimi i kalciumit duhet të rritet në mënyrë që të përmirësohet balancimi, dhe absorbimi i kalciumit arrin tek kockat dhe dhëmbët.

Prandaj është shumë e rëndësishme që të ruhet shëndeti i gjendrës tiroide dhe paratiroide. Kujdes të veçantë duhet të tregojnë personat të cilët ushqehen me kryesisht me ushqime të rafinuara. Kokrrat e drithërave ( të përgatitura siç duhet , duke i njomur), bishtajat, frutat e thata, havjari, perimet me gjethe, limoni, të gjitha këto janë ushqime të pasura me magnez.

Vitamina D
Vitamina D e cila është e rëndësishme për metabolizmin e kalciumit dhe fosforit, organizmi i njeriut e prodhon vetë atë, me anë të marrjes së rrezeve të diellit. Kjo vitaminë është tepër e rëndësishme pasi pa të, kalciumi nuk mund të absorbohet apo nuk mund të kalojë nga zorra në gjak, dhe nëse kalciumi nuk është i mjaftueshëm në gjak, atëherë nuk do të jetë i pranishëm tek kockat.

Përqendrimi në punë, të jetuarit në ambiente të mbyllura, si dhe shmangia e konsumit të yndyrës e cila është e pasur me këtë vitaminë, të gjitha së bashku kontribuojnë në deficitin apo mungesën e vitaminës D. Vaji i peshkut, e verdha e vezës, salmoni, mëlçia e viçit, spinaqi, rrepa, karota, kërpudhat, janë ushqime të pasura me kalori dhe vitaminë D.

TAG:
• dhimbja e kockave
• vitamina d

Sondazhi i ditës:

Rithemelimi propozon rikthimin e koalicioneve të vjetra, a jeni dakord?

• Po

  19.1%

• Jo

  72.1%

• Nuk e di

  8.7%

Vota total: 2311

• Sondazhi i ditës:

  Rithemelimi propozon rikthimin e koalicioneve të vjetra, a jeni dakord?

  Po Jo Nuk e di