TIRANE- Kreu i grupit parlamentar socialist, Gramoz Ruçi e konsideron kandidatin e mazhorancës për Tiranën si një krenari e socialistëve. Në një intervistë për “Shqiptarja.com” ai thotë se Veliaj ka mbështetjen e gjithë bazës socialiste dhe do të jetë një kryebashkiak model. Duke u ndalur tek programi i Erion Veliajt, Ruçi shprehet se është i surprizuar nga skanimi që kandidati u ka bërë problemeve të kryeqytetit në një kohë kaq të shkurtër. Gramoz Ruçi ka edhe një koment për kandidatin e opozitës për Tiranën. Për të, Halim Kosova gëzon konsideratat më të larta, por, në këtë fushatë ndodhet në ndërmarrjen e gabuar.