Serbi, Beogradi 'ndizet' nga protestat, Vuçiç: Nuk shqetësohem edhe sikur të dalin 5 mln njerëz

BEOGRAD - Vijojnë protestat e fuqishme kundër pushtetit të Presidentit Aleksander Vuçiç në Serbi. Pasditen e djeshme mijëra njerëz marshuan në këmbë nga Fakulteti Filozofik, në drejtim të Televizionit Shtetëror dhe Kuvendit të Serbisë. Me pankarta dhe thirrje kundër presidentit serb, protestuesit kërkojnë largimin e Vuçiçit.

Protestuesit të mbështetur edhe nga opozita akuzojnë presidentin serb për keqqeverisje. Gjithashtu, protestuesit kanë paralajmëruar deri në rrëzimin e Vuçiç nga pushteti me dhunë. Protestat kanë filluar me 8 dhjetor. Të mbështetura nga një spektër i gjerë opozitar, të krahut të djathtë por edhe të majtë politik, mijëra demonstrues parakaluan disa herë rrugëve të Beogradit me kërkesën “Stop këmishave të përgjakura”. 

Këto kërkesa i referohen zhvillimeve të fundit politike në Serbi, në veçanti pas rrahjes brutale të politikanit opozitar, Borko Stefanoviç, në fund të nëntorit në qytetin Krushevc. Aktorët e dhunës u kapën, por tashmë janë liruar. Nga ana tjetër presidenti serb ka deklaruar se nuk do shqetësohej edhe sikur në rrugë e sheshe të dalnin 5 milionë njerëz. 

TAG:
• Aleksandar Vuçiç
• protesta ne Serbi