X

POP 5

Lajmet më të lexuara të 5 minutave të fundit

Sport

Sezoni i shkëlqyer i Uzunit, futbollisti shpallet 'Njeriu i Vitit' në Berat

Futbollisti i Kombëtares, Myrto Uzuni është shpallur nga Bashkia Berat si “Njeriu i Vitit 2018”. 23-vjeçari është vlerësuar me motivacionin si “si një figurë e re plot shpresë dhe me të ardhme në futbollin shqiptar”.

Myrto Uzuni, 23-vjeçari që këtë vit bëri një hap të madh në karrierë, është vlerësuar nga Bashkia Berat si “Njeriu i Vitit 2018” me motivacionin “si një figurë e re plot shpresë dhe të ardhme në fushën e futbollit shqiptar, për rezultate mbresëlënëse gjatë vitit 2018 në kampionatin e futbollit kroat si dhe atë kombëtar” . Në ceremoninë e organizuar nga bashkia, futbollisti u nderua me këtë titull së bashku me dy personazhe të tjera.

Çmimi i Uzunit ia dorëzoi Drejtori i Drejtorisë së Policisë së qarkut Berat, Artion Duka, i cili në këmbim mori një bluzë të Lokomotivës nga futbollisti. Vetë Uzuni ishte i emocionuar për këtë çmim, për të cilin tha: “Ndjehem I privilegjuar që ndodhem këtu, pasi ky vlerësim për mua do të thotë shumë. Do vazhdoj të punoj dhe të luftoj për pasionin tim.”

Uzuni ka luajtur nga viti 2012-2014 me ekipet U17, U19 dhe me ekipin e parë të Tomorrit, ku në 2014 u shpall "Futbollisti i vitit" nga tifozeria beratase. Në vitin pasardhës, Uzuni u transferua tek ekipi i Apollonisë, më pas tek Laçi,nga ku këtë verë kaloi te ekipi i Lokomotivës në Kroaci ku edhe luan aktualisht. Paraqitja pozitive në Kroaci sollën edhe grumbullimin këtë vit me kombëtaren shqiptare.

/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Sa i përhapur është korrupsioni në Shqipëri?

Lajme të tjera



×

Lajmi i fundit

Sherr në Shkodër, plagosen me thikë babë e bir

Sherr në Shkodër, plagosen me thikë babë e bir

23 Prill, 21:32