Shisnin qetësues për kuajt tek të rinjtë, arrestohen burrë e grua në Tiranë, në pranga edhe blerësi (Emrat)

Policia e Tiranës ka arrestuar një çift burrë e grua, pasi shisnin medikament anestezik, ketaminë për të rinjtë në farmacinë e tyre bujqësore.

Telha Kokunja dhe Shpresa Kokunja janë arrestuar pasi është dokumentuar se në farmacinë e tyre veterinare në Shkozë iu shisnin përdoruesve të drogërave të forta, ketaminë që shërben si qetësues për kuajtë.

Bashkë me ta është arrestuar edhe Andi Baxhija, 18 vjeç, banues në zonën e Alliasit, i cili është kapur në flagrancë duke blerë ketaminë.

LEXO EDHE:
Greqi/ Sekuestrohet drogë me vlerë 2 mln euro në Igumenicë

Njoftimi i plotë:

Tiranë

Pas denoncimit mbrëmjen e sotme në emisionin investigativ “Stop” dhe falë një pune të mirëorganizuar hetimore arrestohen në flagrancë burrë dhe grua të cilët në një farmaci veterinare iu shisnin përdoruesve të drogërave të forta medikament anestezik për kafshët.

Në pranga edhe një blerës 18 - vjeçar.

Sekuestrohen në total 30 shishe me ketaminë.

Nga Specialistët për Hetimin e Narkotikëve në D.V.P. Tiranë falë një pune të mirëroganizuar hetimore disa ditore, u bë arrestimi në flagrancë i shtetasve :

- Telha Kokunja, 52 vjeç, banues në Tiranë.

- Shpresa Kokunja, 49 vjeçe, banuese në Tiranë (burrë dhe grua). 

Këta shtetas në farmacinë e tyre veterianare në Shkozë iu shisnin përdoruesve të drogërave të forta ketaminë (medikament anestezik për kafshët).

Gjithashtu gjatë kontrollit të ushtruar në farmacinë e tyre u arrestua edhe shtetasi :

- Andi Baxhija, 18 vjeç, banues në Allias, i cili u kap në flagrancë duke blerë një shishe ketaminë.

Materialet iu referuan Prokurorisë së Rrethit Gjyqësor Tiranë në ngarkim të shtetasve të lartpërmendur për veprën penale “Prodhim dhe shitje lëndësh narkotike e kryer në bashkëpunim“, të parashikuar nga neni 283/1 i Kodit Penal.

TAG:
• droge
• andi baxhija
• Telha Kokunja
• shpresa kokunja
• qetesues per kafshet

Sondazhi i ditës:

Rithemelimi propozon rikthimin e koalicioneve të vjetra, a jeni dakord?

• Po

  19%

• Jo

  73.4%

• Nuk e di

  7.5%

Vota total: 1035

• Sondazhi i ditës:

  Rithemelimi propozon rikthimin e koalicioneve të vjetra, a jeni dakord?

  Po Jo Nuk e di