POP 5

Lajmet më të lexuara të 5 minutave të fundit

Shkatërrohet në Itali organizata e trafikut të drogës, arrestohet biznesmeni shqiptar dhe 3 vëllezërit e tij (Emrat)

Gëzim Sallaku, presidenti i skuadrës italiane të futbollit Darfo Calcio

Presidenti shqiptar i skuadrës italiane të futbollit "Darfo Boario", Gëzim Sallaku është vendosur në pranga së bashku me 3 vëllezërit e tij, Gazmir, Taulant e Isuf, nën akuzën e armëmbajtjes pa leje dhe përfshirjes në një grup trafikantësh droge.

Sipas mediave italiane, në pranga janë vendosur në total 30 persona, të cilët kanë rezultuar si pjesë e një organizate kriminale italo-shqiptare që trafikonte drogë nga provinca e Parmës dhe Bergamos drejt Breshës.

Sipas hetimeve paraprake të antidrogës italiane,dyshohet se sipërmarrësi shqiptar mund të jetë i përfshirë me aktivitetin kriminal të kësaj bande trafikantësh pasi në vilën e tij në liqenin Iseo i janë gjetur të fshehura në garazhd tre pistoleta me municione.

Gëzim Sallaku u akuzua kohë më parë nga Financa Italiane për pjesëmarrje në aktivitet kriminal, mashtrim fiskal e falsifikim dokumentash, gjë që coi në arrestimin e tij dhe në sekuestrimin e pasurive. Por, gjykata e la më pas të lirë duke i hequr kështu edhe masën e sekuestros. Në mes të muajit tetor në pranga është vënë dhe një familjar i vëllezërve Sallaku , Sajmir Sallaku, i cili u arrestua në flagrancë me 1 kg kokainë.

a.s.
Komento