Shkodër/ Ndërtohet shkollë e re, mësuesit mësim tek e vjetra, DAR nuk dakordësohet me bashkinë

SHKODËR-Me nisjen e vitit të ri shkollor, 70 fëmijë kanë bojkotuar shkollën e Sheldisë. Fëmijët kanë 3 ditë që nuk ulen në bankat e shkollës. Shkak është bërë ndërtimi i një shkolle të re me donacione nga një fondacion i murgeshave në Shkodër, me të gjitha standartet. Problemi qëndron në faktin se Drejtoria Arsimore Shkodër nuk ka arritur dakordësinë me bashkinë për të dërguar stafin e mësuesve në shkollën e re. Në një prononcim për Report Tv, përgjegjësja e DAR, Morena Tirana, ka thënë se godina e re është e palicensuar dhe nuk rezulton në inventarët e shkollave të regjistruara nga bashkia Shkodër.

Ne jemi në dijeni të situatës. Drejtoria DAR kanë qenë në Sheldi për këtë problem. Vlen të theksohet se ditën e parë të shkollës, mësuesit kanë qenë prezent, kurse fëmijët jo. Por ajo shkollë e re, është e palicensuar nga institucionet lokale. Iu është kërkuar prindërve të dërgojnë fëmijët tek shkolla e vjetër derisa të zgjidhet problem me licensimin e shkollës së re.

LEXO EDHE:
Sherr në Shkodër, plagosen me thikë babë e bir! Kapet autori

Morena Tirana, përgjegjëse e Drejtorisë Arsimore Shkodër

Nga ana tjetër, bashkia Shkodër i ka dërguar një kërkesë DAR, ku i kërkon që mësuesit të paraqiten tek shkolla e re.

Report Tv u interesua duke pyetur sërish prindërit e fëmijëve, të cilët thonë se fëmijët e tyre do të vazhdojnë bojkotin deri në momentin kur mësimi të fillojë në shkollën e re.

Shkresat e bashkisë Shkodër drejtuar DAR

Shkolla e Sheldisë

TAG:
• Shkoder
• proteste
• shkolle e re

Sondazhi i ditës:

A ka politika frikë nga SPAK-u?

• Po

  68.3%

• Jo

  26.9%

• Nuk e di

  4.8%

Vota total: 2503

• Sondazhi i ditës:

  A ka politika frikë nga SPAK-u?

  Po Jo Nuk e di